السيره قرار وعليك الاختيار
عزة ابوالسعود
اعتني بسمعتك جيدا لانها ستعيش أكثر منك
يولد الإنسان بلا سمعة. كلنا بنتولد علي الفطره صفحتنا بيضاء مفيهاش اي ذنوب او خطيئة واحده
أنت بس. اللي بتتحدها بتصرفاتك و افعالك فخلي بالك جدا لأنها ملزماك طول الحياة وبعد الممات
ومش بس كده
ده انت كمان هتورثها لاولادك فسيب لهم سيره يفتخروا بيها
السمعة هي الصيت أو الانطباع الذي تتركه للناس،
هي تقييمك لذاتك و صورتك الذهنيه عند الآخرين بتندرج تحت معايير القيم والأخلاق التي يحكم بها المجتمع والناس عليك. يعني الفكرة اللي بياخدوها الناس عنك.
السمعة او السيرة باختصار هي محصلة عمل الشخص وثمرة تصرفاته وسلوكياته، ياما تكون حلوة خضرة لذيذة يفرح بها في دنيته ويبشر بها في آخرته ، يا اما أن تكون مرة علقماً يدوق مرارتها في دنينه ويتحسر في آخرته.
الشحص العاقل مطالب بأن يحفظ سمعته وسمعة أهله وناسه وبلده ومجتمعه ويحرص على السيره الطيبه ، وخاصة في هذا الزمن اللي بنعيشه اللي كترت فيه ،الشهوات و والمحن والفتن والخطايا والانحرافات والتي هي سبب السمعة السييئه
واحنا في مجتمع مببرحمش. ولا بيغفر.. ولا ببنسي
ودي الحاجه الوحيده اللي ملازماك طول العمر زي ماقلنا
لو سمعتك طيبه أول ناس يفتخروا بيك ولادك وهتبقي تاج علي رؤوسهم طول العمر فسيب لهم اثر طيب.
ولو سمعتك مش كويسه كده انت بجيب لهم العار طول العمر والمجتمع مبيفرقش ولا ببرحم يفضلوا مذلولين بيها طول عمرهم أظن ولادنا واهالبنا يستاهلوا .
وعندنا أمثله كتير للاسف الفضائح أكتر حاجه بتتنشر بسرعه البرق
و كلنا شوفنا علي السوشيال ميديا متحرش المعادي إللي تحرش بطفله وبقي تريند عالمي فضح نفسه وأسرته وولاده واهله جاب لهم الفضيحه والعار بفعلته. وغيره كتييير
الإنسان العاقل هو اللي يتحكم في تصرفاته
.وكمان هو اللي بيكتب سمعته بايده و بقلم سلوكياته وأخلاقه ونمط علاقاته مع الآخرين..
وفي الحديث النبوي الشريف بيقول “أنتم شهود الله في الأرض. يعني ربنا شاهد علينا ياريت كلنا نخلي بالنا ونعمل سمعه طيبه
هقولكم ازاي تعمل سمعه طيبه
ازاي تبني السمعه طيبه واهميتها في حياتك
أولا كده السمعه لا تباع ولا تشتري ده سلوكك يمكن أن يصنع مجدك او أن يكسره اهميه السمعه الشخصيه
السمعه هي اللي بيقولوا الناس عنك وانت غايب وهي مبتتولدش معاك انت اللي بتبنيها يوميا في كل لحظه
هديكوا مثال بسبط كده
تخيل أن ليك صديق جيد بتعتمد عليه في كل صغيره وكبيرة وصديق آخر جيد لكن لا تعتمد عليه ولا متحمل مسئوليه
وفيه فرصه جادلك لتوظيف واحد فيهم فمن ستختار.
طبعا هتختار المعتمد عليه ومتحمل مسئوليه.
هي دي السمعه والصيت بقي
ثاني حاجه خليك دايما جاهز لمساعدة الآخرين . وتحدث بالخير عنهم. فلو معرفتش السكوت ببكون أفضل
وعلي المستوي المهني بقي أسبق دائما بخطوه وخليك دائما عند حسن الظن عند الآخرين وقدم اكثر ماهومتوقع منك
وخلي علاقتك حلوة مع اصدقاءك وبلاش تكون عصفوره للمدير ههه مش هتكسب حاجة ابدا غير انك هتبقي مكروه من زؤملايك وده مش كويس
ومتنساش ابدا اني المظهر مهم
اهتم بمظهرك ارتدي دائما ملابس مناسبه للمكان وتكون مرتبه ونظيفه وده ينطبق علي البنات فبلاش الافوره في اللبس والمكياج
مظهرك مهم جدا لأن الناس بيحكموا عليك احيانا قبل ما تكلم.
وخليك دائما صاحب رأي وعندك مبدأ
بأن أن تندمج في مجتمعك تطوعا في جميع القضايا المنصفه وقول كلمه حق من الاخر كده او الخلاصة
احرص علي سمعتك كما تحرص علي الأشياء الثمينة في حياتك لأنها ستفتح لك أبوابا اجتماعيه ومهنية لم تكن من قبل.
