د.نسرين جابر ..تكتب..التعاملات بالاخلاقيات
تسلم ايدك دي
بتتقال دايما على حاجه اتعملت
مش بس بتتقال عشان اللي اتعمل حلو وعجبنا
تسلم ايدك على الاكل حتى لو كان ..
محروق
او ملسوع او مالح .. اوحتى دلع لانها تعبت ووقفت وعملته
تسلم ايدك لانك فكرتي وقومتي وعملتيه
برافوا عليك دايما
مش بس لما
تجيب درجة تعجبني
حتى لو جبت درجة مش عاليه
انت بردوا تعبت و ذاكرت واجتهدت
بردوا برافوا عليك
لانك اشتركت في المسابقه وحاولت
حتى لو مكسبتش بردوا برافوا عليك كفاية انك حاولت
تعيش وتجيب ..
وكفايه تعبك
وانك فكرت فينا
حتى لو جاب حاجه بسيطه
او مش محتاجينلها كفايه تعبك وانت
بتنقيها
وتجيبها
تعيش وتجيب دايما
وكفايه دخلتك علينا
اتعودوا تقدروا
وتستحسنوا
كل حاجه
لان ببساطه
هيه دي الاخلاق
اللي المفروض نتحلى بيها
واللي محتاجين نرجعها تاني في تعاملاتنا وكلامنا محتاجين نرجعها تاني في كلامنا وتعاملاتنا مع بعض
