الكبه الشاميه
نبض للوطن
المقادير
١-نصف كيلو من اللحم المفرومه ويفضل تكون كندوز مع غنم دهون قليله جدا
٢-بصله كبيره ابيض او احمر
٣-معلقه صغير ه فلفل ملح بهارات لحم
٤-م ص هريسه شطه حمرا
٥-نصف كيلو من البرغل المغسول وليس منقوع
في الكبه هنحط اللحمه والبصل والبهارات والهريسه والبرغل
وهنفرمهم مع بعض كويس اوي وهنكرر العمليه تلات فرمات علشان القوام يبقي ناعم
هنسيبها ترتاح في التلاجه ساعه ونروح نعمل الحشوه بتعتنا
مقادير الحشوه
١-نصف كيلو لحمه مفرومه في نسبه دهون
٢-بصله كبيره مفرومه
٣-ملح فلفل بهارات لحم قرفه مطحونه
٤-مكسرات مجروشه وزبيب حوالي ربع كوب من كل منهم
الطريقة
علي النار هنزل باللحمه المفرومه بدون زيت ام سمنه
هاقلب اللحمه وانزل بالبصل والبهارات واما تستوي ابدا اضيف الزبيب والمكسرات
نخرج العجينه من التلاجه بقي ويبقي جمبنا طبق في ماء ناخد وحده وحده نكورها ونبدا نعمل تجويف بالاصبع السبابه ونرفع العجينه في فيديو لو حبيبن تشوفو الطريقه مصوره ابعتولي لجوه ونحط معلقه من الحشو ونقفل ونعمل الجزء الي الاسفل زي مدبب كده وبعد منخلص نبل ايدينا ونعملها علشان يبقي شكلها منتظم
خلصنا هنحطها في الفريزر لوقت القلي علي نار سخنه اول خمس دقايق وبعد نوطي ونرجع نعلي في الاخر علشان تطلع ناشفه بالهنا والشفا
