اهلا رمضان
مرفت العربى
يا ورق عناب حلو مبقع
يا عصير التمر المتسقع
ويا فرحة صوت أول مدفع
أهلًا رمضان
أنوار الشارع بتلعلع
على صوت رفعت كله بيخشع
والشيخ الشعرواى مِبدع
قبل القرآن
عربية الفول المتدمس
وكنافة على الصاجة بترقص
ومحمد ماسك إيد بطرس
والحارة أمان
ونسيم الفجر و تواشيحه
واللمة ف صلاة تروايحه
و الشفع و وتره وتسبيحه
وسط الخلان
وحشتنا الفوانيس والزينة
والنور داير ع الترسينة
والبركة وفرحة أهالينا
وهوا الأوطان
