ماجده حسين..تكتب..قعده أصحاب

قعده أصحاب
كتبت ماجده حسين عبدالفتاح

جرس الباب رن
ياهلا ويامراحب باحلي صاحب ازيكم اتفضلو
ازيك يا قلبي عامله ايه وحشانا
وانتم كمان يلا هنرغي علي الباب كده ادخلوا
ها تشربو اي
ياستي اقعدي نشرب وناكل كمان بس نستريح مستعجله علي ايه
ههههههههه والله وحشني اوي ياه بقالنا كتير مقعدناش مع بعض
الله الشاتوه ده جميل انتي اللي عملاه
لا بنتي ميرو اللي عملاه
لاشاطره زي امها
حببتي
ياه كوبايه الشاي دي يا جوجو جت في وقتها عندي صداع من الصبح
سلامتك يا قلبي من الصداع
اسماء تلاقي الصداع من كتر ماسكه الموبايل يا لولو خفي شويه منه
بلا نيله ياختي دا انا بفتح الفيس من هنا يجيلي اكتئاب من هنا بحس ان صفحتي قلبت صفحه وفيات
عندك حق يا لولو الموت الفجاءه كتير اوي والحوادث حاجه توجع القلب
بقولكم ايه قفلو بقي علي السيره دي احنا جاين نقعد مع بعض حبه مش طالبه نكد ياختي انتي وهي
عندك حق يا جوجو
هي حنان مجتش معاكم ليه
أسماء اسكتي انتي متعرفيش اللي حصل ليها
لاء مالها ياسمسمه
بعد تعب السنين مع جوزها وتحوش علشان تعمل مستقبل للعيال البيه ربنا كرمه وبقي معاه فلوس عمل مشروع واول لما جري القرش في ايده راح اتجوز عليها
معقول
زعلتني عليها اوي الله يكون في عونها جرح كبير اوي ليها حق متقعدش مع حد
ربنا يصلح حالها ويعنها علي اللي هي فيه
ماتشربي العصير يا عزه مالك سرحانه في ايه
انا لا ولا حاجه بس محروق دمي شويه
ليه بس ياوزه مين يقدر يحرق دمك
سلفتي منها لله تعبت منها في الرايحه والجايه تضايقني يادوب ابقي منضفه قدام الباب وتروح منفضه الفرش وينزل التراب عليا انشر الغسيل تغسل اي حاجه علي ايدها وتنشرها علشان تنقط علي الغسبل
طب ماتكلميها
ياه غلبت معاها دي بتاعت مشاكل وانا مليش في الكلام ده
منها لله علي حرقه الدم دي
سعاد طب متعرفيش ايه السبب اللي مخليها تعمل معاكي كده
ياستي غيره بعيد عنك اعمل ايه ربنا يبارك في اهلي ديما بيجو ليا بزيارات وكده وهي اهلها محدش بيحب يجي او ظروفهم وحشه الله اعلم بقي المهم هي حاسه ان حماتي بتفرق في المعامله بينا لاني طبعا بنزل من كل حاجه تجيلي بقول ارضيها
طب ماتحولي تقربي منها وياستي زي ما بدوقي حماتك ابقي راضي سلفتك يمكن لما تلاقي منك معامله حلوه هي كمان تتغير للاحسن انتم في بيت واحد ولو وحده فيكم تعبت التانيه اقرب ليها من اهلها والله ماحد واخد منها حاجه
حاضر هجرب وربنا يهديها
ايه ياست سعاد مالك كده ماسكه الموبايل وبتضحكي ضحكينا معاكي شويه
ههههههههه لا مافيش بس جوزي بعتلي رساله
ايوه يا عم سوسو يامدلع
بس ياختي انتي وهي مش ناقصه نق
جوجو لا بجد ضحكينا معاكي متبقيش بايخه
ههههههههه هقول ايه اصله باعت يعتذر ليه
امبارح كنت بنيم العيال وهو كان نايم وافتكرني هنام جمبهم فا انا كنت لابسه بيجامه سوده وطافيه النور وماشيه بزحف علي الارض وشعري طبعا نازل علي وشي خايفه العيال تحس بمشتي لا تصحي
في الوقت ده هو قلق وخارج من الاوضه وداخل الحمام ههههههههه طبعا هو شافني اترعب وافتكرني عفريته ونزل ضرب فيا وانا اسرخ واقوله انت اتجننت ولا ايه بعدين خد باله وقالي منك لله ياشيخه خضتني ام البيجامه السوده علي سننها مشفكيش لابسها تاني
ههههههههه ههههههههه انتي مسخره والله انتي وجوزك
ياه الوقت مشي بسرعه
اه فعلا ايه ده احنا لسه مشبعناش من بعض خليكم قاعدين حبه
لا ياستي كفايه كده كل وحده فينا وراها حاجات اد كده
سعاد اعملو حسابكم ان المره الجايه عندي
عزه لا خلوها عندي انا بقي
لولو ولا انتي ولا هي المره الجايه عندي وهعمل ليكم محشي
ههههههههه انتي بتغرينا يا لولو طب مش هنقدر نقول للمحشي لاء في السقعه دي
يلاه سلام
سلام ياقمرات نورتوني الحبه دول