ماجده حسين..تكتب..الاخ سند
من اجمل نعم ربنا التربيه الصح لأبنائنا اننا نخليهم يحبو بعض ويبقو سند لبعض ديما لو نجحنا في كده يبقي فضل وكرم من ربنا
من اسباب النجاح في التربيه عدم التفرقه بين الأبناء في التعامل لان التفرقه بينهم في المعامله بتعمل فجوه بينهم وتوصل لمرحله الغيره وتعمل في بعض الاحيان عقده نفسيه ينتج عنها تباعد اجتماعي بعد كده
طب الحمد لله الاب والام ربنا كرمهم في تربيه الأبناء وعرفو يزرعو فيهم الحب والدفء العائلي ازي تبان نتيجه التربيه دي
تبان بقي في وقت اللمه الحلوه بين الاخوات في ضحكهم وهزارهم وخناقتهم اللي مش بتخلص اه ماهما بيتخانقو ويرجعو لبعض لانهم ميقدروش يستغنو عن بعض
الاولاد تكبر وكل واحد بقي ليه حياته بس فيه اللي ربنا بيوسع في رزقه شويه في الفلوس وفي اللي رزقه بيبقي قليل بس ربنا عوضه بحاجه تانيه
اللي بيمرض بيلاقي اخوه واخته جمبه في تعبه بتبقي وقفتهم جمبه اول خطوه في شفاه لانهم بيدعموه نفسيا
واللي بيتزنق في فلوس من غير مايطلب بيلاقي اخوه او اخته سند ليه
وفي الفرح تلاقي الفرحه طالعه من القلب ابن اخوك كأنه ابنك وبنت اخوك كاانها بنتك
وفي المشاكل تلاقي الكل بيحاول يحل المشكله
بس مع الاسف في زمنا ده بقينا نشوف صور مخيفه تحزن بجد
اخ ولع في اخته علشان الورث والسبب تفرقه الام في المعامله بين البنت والولد اللي قلبت بحقد وغيره مع شويه تسخين من زوجه الابن لجوزها والنهايه موت البنت وحبس الابن
اخ يتوفي اخواته بدل مايبقو سند لاولاده ياخدو حقهم في الميراث وده نتيجه عن البعد عن الدين لانهم لو يعرفو ربنا كويس كانوا عرفو أن دول طريقهم الي الجنه وسعادتهم في الدنيا
بقينا نشوف ناس مشرده في الشارع فين اهلهم وهما مرمين في الشارع
بس الحمد لله الصور الوحشه دي اقل والصوره الاحلي اننا نملك قلوب جميله تحب الخير وتستنكر الأفعال السيئه
ونملك بفضل الله اخوات من ذهب قلوبهم مليئه بالحب والحنيه اللهم بارك فيهم وفي ذريتهم
يارب ربي لنا اولادنا وبناتنا وازرع في قلوبهم الحب واجعلهم سند لبعض
واخيرا احب اذكركم واذكر نفسي بالايه ٩ من سوره النساء هتساعدنا في تربيه ابنائنا صح
(” وليخش الذين لو تركوا من خلفهم ذرية ضعافًا خافوا عليهم فليتقوا الله وليقولوا قولا سديدًا )
