وصفه لتعطير الجسم
شهد ياسر رفاعى
البنات اللى عاوزة ريحة جسمها دايما جميلة بعيدا عن الحاجات اللى بتسود الجسم
الوصفة دى هتخلى ريحة جسمك دايما جميلة
هتجيبى زيت بيبى جونسون العبوة الصغيرة
وتروحى عند اى حد بيركب عطور وتشترى زيت عطر خام
اى نوع برفان انتى بتحبية بس تجيبى زيت نفسو مش برفان بكحول وهو رخيص ومش غالى
انا بحب جدا العطور الخليجيه لان ريحتها بتبقى قوية جدا
هتشترى ٥ جرام او ١٠ جرام زيت برفان بتحبية
ونروح على الطريقه:-
هتجيبى اى حاجه و نقصى فيها شوية من ازازه البيبى اويل تنقصى ربع الازازه تقريبا
وتقومى حاطه فوق الباقى (اللى فى الزجاجه الأصليه) الزيت العطرى (او العطر)اللى انتى اشتريتيه
وتقفلى الازازة وترجيها كويس جدا
الاستخدام
تاخدى الازازة بتاعه الزيت المخلوط بالعطر و انتى فى الحمام بعد ما تخلصى الشاور بتاعك متنشفيش جسمك اقفى لغايه لما يتصفى خالص ويبقى رطب
وتجيبى الزيت وتحطى شويه فى ايديك وتدهنى بية جسمك كله واماكن الاندر ارم عادى وكل مكان بالزيت وتلبسى هدومك بعدها
وممكن كمان تحطى منه على شعرك هو مفهوش كحول ف مش غلط ع الشعر
هيخلى ريحه شعرك حلوة اوى ومش مكمكمه وتنامى وتقومى ريحته هتبقى حلوة
