الكيك الأسمر
شهر زاد
بدقيق القمح الكامل…
صحي ومغذي ومتكامل…
المكونات
كبايتين ونص دقيق قمح كامل (نمرة 3)
3 بيضات
تلات ارباع كباية سكر
رشة ملح
ملعقة صغيرة فانيليا
ملعقة صغيرة خل
ملعقة كبيرة بيكينج بودر
ربع ملعقة صغيرة كربونات الصودا
نص كباية زيت
نص كباية حليب
مكعبات فواكه مجففة (اختياري)
الطريقة
ضربت البيض لغاية ما اتنفش وبقى لونو فاتح كبيت السكر شوية شوية اثناء ما انا بضرب بعدين الفانيليا والخل والملح وضربت لغاية ما السكر داب وكبيت الزيت برضو بالتدريج اثناء الخفق بعدين وقفت
خلطت البايكنج بودر والكربونات مع الدقيق وكبيت منو شوية مع خليط البيض وحركت لغاية ما اختفى وكبيت شوية لبن وحركت لغاية ما اختفى وشوية من ده وده لغاية ما الكمية تخلص وبعدين جبت القالب وغلفته بورق زبدة وكبيت العجين وعلى الفرن مسخن على 180 وفتحت الرف التحت لمدة 20 دقيقة بعد داك فتحت الفوق والتحت مع بعض لمدة نص ساعة يعني الوقت كله كده 50 دقيقة لكن غايتو اختبرو بعود اسنان ولا سكين لو لقيتوها ما مستوية رجعوها الفرن دقايق بس
