مشكلة عضوة

مها فتحي

لكلا منا حياتة بداخلها لحظات فرح ولحظات حزن وفيها نتاج ما مررنا بية لسنوات
نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى

مشكلة عضوه محتاجة رأي

انا جوزى مسافر الامارات بقاله 10سنين من تانى اسبوع جواز وانا كنت متجوزه فى بيت عيله فلاحين يعنى ااقوم من الفجر مابطلعش شقتى الا على النوم واستحملت كتير وخدمت له اهله ربنا كرمنى بولد وبنت وجوزى ماكنش بينزل الا اسبوع اجازه فى السنه وكان بيبعتلى الفلوس اعمل بيت وانا بعت كل دهبى وميراثى وحطيط الفلوس معاه بره بيت العيله وعملت بيت فى قرطين كبير وتلت ادوار وفؤجئت فى يوم وحماتى بتكلمه بالالغاز وكلهم بيكلموه بطريقه غريبه علشان ما افهمش وطلع الاخر متجوز واحده مصريه مغتربه معاه وجاى عايز يخليها فى البيت الجديد روحت بالتوكيل نقلت كل حاجه بااسمى ماعدا الشقه اللى فى بيت اهله وكلهم بيقولو طالما مقتدر وايه يعنى محدش حاسس بالنار اللى انا فيها وانى ازاى استحملت غربته على حساب نفسى ولما كلمته قالى اضربى دماغك بالحيطه ولما عرف انى كتبت كل حاجه بااسمى هددنى بالطلاق انا وافقت بالطلاق وهاروح اقعد فى البيت انا وعيالى دا حقى على الاقل وهو وعروسته يقعدو فى بيت العيله وتشيل شويه قر.ف امه واهله بس فيه ناس بتقول انى ظالمه انا عايزه اعرف انا ظالمته فى ايه لما افوجىء انه متجوز ومخلف بره وعايش حياته وسايبنى هنا فى قر.ف اهله وانوثتى اللى ضاعت وعمرى اللى ضاع وانا فاكره ومستنيه انه لما ينزل هايعوضنى محدش يقسى عليا انا اصلا تعبانه ارجوكم فيدوني ؟