فضولي
نجلاء محجوب
– أزيك
* كويس
– قبلت الصداقة
* أيوه أهلا بيك
– طيب اتااااااخر شوية أمدد علي الكنبة اللي جنبك ، أنتوا أتغديتوا أيه أنهاردة
* مكرونة بالباشميل
– بحبها ماشي أغرفلي أنا جعان ، ندردش وأنا باكل
– هو أنت متجوز
* أه
– عندك أولاد ؟؟ أحكيلي عنهم بالتفصيل الممل
* أيه ياعم دي أمور شخصية
– شخصية !! حبدأ أزعل لاحظ أنت اللي قبلت الصداقة يبقي تجاوب وأنت ساكت
* ياعم حلغيها
– أنا صديقك ليه كده فضفض
* عندي ولد وبنت
– سنهم أد إيه
* الولد 23 وبيشتغل في بنك
– ماشاء الله أيوه كده فرحني بأبن أخويا
*والبنت في الجامعة لسه
– ومراتك بتشتغل ؟؟
*….. …… ،،،،،، ……،،،، ……..
– ليه ياعم كده انا صديقك وأخوك
* ….. بلوك
– عملي بلوك أنا مش فاهم ليه ؟؟ إيه الناس المعقدة دي
* يا أحمد يا بني أقفلي صفحة الفيس أحسن ما أولع فيها
= حاضر يا بابا كان من أول ما دخل نام على الكنبة اللي جنبك كنت عملت بلوك
الناس مش كلها زي بعض يا بابا أنا كونت صداقات وكل واحد عارف حدوده أنت عشان جديد علي الفيس
أعمل صداقة معايا أنا وصحابي عندي أصدقاء أعمارهم مختلفة فى منهم من سنك وأعمل تغير في جزء من يومك
* ماشي يا حبيبي
= قولي هو أنت متجوز
* أمشي يا أبن ….
= ههههه ماشي يا حبيبي بهزر معاك
