فواز عبد ربة … اعراض المتعافين من الإدمان
” الادمان مرض بيضرب ثنايا روح ونفس كل شخص بطريقة مختلفة ” اعراضه بتختلف من شخص لشخص حسب طبيعته وقابليته للمرض ده.. لي مراحل رخمه عند الامتناع وعند التعافي منو
” المرحله الاولي ”
– بيجبرك انك تقعد في اوضتك ومنعزل تماما عن الناس لا انت طايق حد ولا عايز حد ولا بتكلم مع حد عايز بس تفضل قاعد كدة متأمل في اللاشئ بدون اي ازعاج او مناقشة بتستكفي في الصراعات والحورات اللي جواك ومش حمل كلمة من حد حرفيا ، عزلة كاملة بتجبرك انك تمتنع عن التواصل مع الخارجي بكل الطرق ، يدوب علاقتك بتتلخص في مطالبات الحياة البسيطة زي ” الاكل ، الشرب ” غير كدة لا
” المرحله التانيه ”
بقي ده بيبقي اصعب شوية لانك لا تملك حق العزلة يعني عندك شغل عندك مسئوليات عندك اهل مش بتسمحلك بالعزلة وغيره ، وده بيعيش حياته قدام الناس الطبيعي .. بيتكلم بيهزر بيضحك بيقابل بدون اي مشكلة قدامهم هو معاهم عادي لكن عقله وروحه في مكان تاني .. علامات الادمان بتظهر علية في اوقات معينة ..” لحظة الناس كلها بتضحك تلاقي ساكت .. لحظة الناس كلها بتتكلم في حوار تلاقي سرحان ” الادمان ” بيسرقه من الناس غصب عنه لكن بيعرف كويس ازاي يرجع تاني للمكان اللي هو فيه علشان ميتسألش مالك
” المرحله التالته ”
ده العن ادمان بيمر بالشخص ده بقي اللي بيضحك ويهزر ويطبطب ويسمع ويدادي ويصالح ولا كأن في حاجة .. ده الادمان اللي ضرب معظم المتعافين صحابي.. ده اللي انت مستحيل تشك انه بيعاني من اي ادمان.. علطول مبتسم علطول بيتكلم عن الامل علطول بيضحك اللي حوالية وبيسمعهم ويهون عليهم بيخرج مع اصحابه بيقعد مع اهله بيتكلم مع الناس .. صعب جدا تظهر علية اي علامة من علامات الادمان.. وعلشان كدة بتتفاجئ لما تسمع ان حد من الناس دي ضرب تاني او انتحرت .. بتقول ازاي ده كان علطول مبسوط وفرحان لكن في الحقيقة هو قناع كان لبسه والقناع بقا قوي اوي وتمكن منو بيخبي جواة كل الحطام والهش اللي جواة .. اوقات الشخص دا مبيتحملش القناع ده وبياخد قرار الخلاص من الدنيا بشكل مفاجئ انه يضرب او ينتحر .. ارحمو بعض المدمنين. اغلب مما نتخيل. الغضب قاتل وتضيع وقت وعمر بيضيع . بجد مفيش عاقل يعمل اللي عمله مريض الادمان.
رفقا ببعضنا البعض ايها المدمنين.
ولا تكابر تاليهه في المقابر…
