النضافة ثم النضافة
نبض الوطن
بامانة اهم حاجة عندنا لازم تكون نضافة بيوتنا
شوية نصايح عشان بيتك دايما يكون نضيف وجوزك يحبك اكتر واكتر ولو بنت بردو مش متجوزة تعملى بالنصايح
تعالوووووا هنا بسرعه تعالي يختي انتي وهي كده وفوقي معايا وركزي كده انتي يا ست الكل مطلوب منك كل يوم هنعمل مثلا دوره غسيل وهنكنس الشقه ونلمع الحتت اللى باينة بمية وبرسيل جيل او داونى او اى حاجة ريحتها نفاذة بس نقطة مش كتير عشان مترغيش وطبعا المواعين وترشى معطر وتشغلى قرآن وتبخرى وتهوى البيت دايما
نيجى عالحمام بعد ماتخلصى ترويق هتاخدى حتة سلك وتدخلى قبل ماتاخدى شاورك هتخلى كيس برسيل جيل مفتوح دايما ف الحمام وتدعكى الحنفيات والاحواض والتواليت طبعا بفرشتة دايما حطى فيها كلور واريال وبرسيل جيل هتلاقى نفسك كل شوية بتعملى بيها وتحسى بنضافة وتيجى اخر حاجة تنشفى الارض كويس جدا بالشرشوبة وفيها بردو نقطة برسيل او كلور هتلاقى الحمام يوميا بينور
وفرش السرير كل 3 ايام وممكن نجيب ملايه قديمه نقطعها ونحط قطع علي اكياس المخده عشان متتوسخش بسرعه ولو جالك ضيوف ف اي وقت تشيلي الحتت دي تبقا الاكياس بتاعت الملايه قشطه ولازم يختي انتي وهي شعارك ف الحياه اكنس بيتك ورشوه
ونيجي للدولاب بقي دولابك ومطبخك وجهتك قصاد الناس حاولي اي كراكيب عندك مبتستعملهاش ترميها فورا واي هدوم مش بتتلبس خالص اديها ل حد محتاج كل ما الشقه بتبقا هاديه بتبقا
في وحده تدخل تقولي لو سمحتي انا مش بعمل حاجه في شقتي خالص عشان ايجار وممكن اسيبها فى اي وقت
تعالي بقي لما اقولك انا قولتلها ايه
قولتلها كل الي ف الشقه دي ملكك يعني تلاجتك غسالتك بوتاجازك فرشك كل ده ملكك انتي ف اي مكان تروحيه هتخديهم معاكي لازم ايدك تبقا فيهم ع طول وتنضفي الدنيا
واللي تقولي اصل نفسيتي تعبانه
ع فكره النضافه ملهاش علاقه ب النفسيه ب العكس انتي لما بتنضفي وبتبصي للشقه كده تفسيتك هتبقا
عارفه حمام الكريم بتاع الشعر واللي هتقول حمام كريم ماله ومال النضافه ما انا هقولك اهو يا ام لسانين قطعيني اوي ف الكلام هتجيبي شويه خل ع قماشه ولمعي الخشب وبعدين تجيبي قماشه نضيفه وحطي فيها حتت حمام كريم وامسحي بيهم الخشب مش هتلاقي نقطه توراب الا بعد اسبوع عشان حمام الكريم ع الخسب
