الموز وفوائده

د.منى دويدار
الموز ..زمان كانو بيسمو الموز بالطلح وذكر فى القرءان فى سورة الواقعة وهو من ثمار الجنة..
….
تعالو نشوف فوايده :-
١- مليان كالسيوم جداً ..يعنى أخوتنا المصابين بضعف العظام والأطفال المصابين بالكساح أضرب ليهم الموز فى اللبن منه طعم جبار ومنه الفايدة فايدتين متنساش اللبن فقير بفيتامين دال فنصيحة بناكل معاهم بيض أو بنقعد فى الشمس مشمرين دراعتنا ع الأقل تلت ساعة.
٢- تسمع عن الفسفور تعرف إنه بيسمى ملح الذكاء لعظم فايدته للأعصاب وده بيفسر ليه كان يسمى طعام الفلاسفة مش بس كده ده مليان بفيتامين ب برضو صديق الأعصاب الصدوق يعنى الـ عنده رعشة ولا ضعف الأعصاب الموز روشتة متكاملة ليه..
٣-إنسى ان يجيلك تسوس فى أسنانك وأنت محافظ على أكل الموز بغض النظر عن وجود الكالسيوم فيه لا ده كمان مليان فلور صديق الأسنان مانع تسوسها..
٤- عمرك شفت قرد عنده إكتئاب إسمع كلامى وأكل مراتك موز كل يوم مش هتشوفها منكده ولا زعلانة أول متقلب أطلع أجرى أشترى سباطة وأكلهالها مع الشيكولاتة..
٥- فى عرض بيصيب الكلى إما بتلتهب بتبتدى تهرب البروتين فى البول وبنقول طبياً زلال فى البول الموز غذاء ودواء للأطفال والكبار المصابين بزلال البول اعمله مع الدوم عصير ولكن الـ عنده فشل بالكلى يحذر عشان وجود البوتاسيوم فى الموز..
٦- كل أطباء القلب بيوصوا المرضى المصابين بمشاكل القلب والضغط بأكل الموز بإنتظام عشان محتواه من البوتاسيوم اللي بيخفض الضغط ويحافظ على القلب..
شوف الموز جميل أوى بعض الناس بيجيلهم منه حموضة بسبب إنه محتاج معدة قوية لهضمة أنصح هؤلاء الناس أن تشرب بعد الموز خل التفاح مع الماء لأنه هيستخلصلك كل حتة فى الموز وهتحصل على فوايده كاملة مكملة..