الاهتمام…
أيمن بحر
الاهتمام مش بس بيخلق فوق العشق عشقين، الاهتمام بيخللى الرّوح فرحانة انها عرفت تختار صح بيحللّي الملامح وينورها….. الاهتمام أهم ألف مرة من الحُب…لأن كتير بيعرفوا يحبوا…. لكن نادرين اللى بيقدروا يهتموا نادرين اللى بيقدروا ينشغلوا بيك بجد
لما تختار…. اختار اللى يهتم بيك مش اللى بيحبك..
.. موضوع خد اللى يحبك ما تاخدش اللى تحبه ده انتهى من زمان…
اختار اللى يقدر يحتويك بقلبه وعقله وأفعاله و تصرفاته ووعوده الصادقة وبقاءه ع العهد…..
اختار شبيه لروحك يهمه تفاصيل ألمك
قبل فرحك….
اختار اللى يعرف في عز الزحمة يخطف بصيرتك و يكون مرايتك وسندك ونجاتك…..
اختار سَـندك وعكازك بدقة وإتقان…. قبل فوات الأوان….
