عدو الام الأول
مرفت العربى عبد العظيم
قناع الغضب (العصبية)
سيطر ي على غضبك قبل ما يسيطر عليكي
كلنا كأمهات نشعر بالغضب في أوقات كتيره، وللأسف احساسنا بالغضب ممكن كتير يخرج عن السيطرة ويتحول لتدمير، تدمير يؤلمنا ويؤلم اولادنا، التدمير هنا مش مرتبط بتكسير شيء بس فيه تدمير النفس الي أقوى بكتير اوي من تدمير الأشياء
أسباب الغضب كتيره ممكن تكون بسبب ضغوطات اليوم المختلفة، بسبب أشخاص، أو احداث ومواقف أو مشاكل ودايما ردود الأفعال مش بتكون مفيدة (خناق وزعيق وتجاهل وضرب….. وكلام يوجع…….)
وفي كمان الغضب الغير معلن الي فيه احنا كأمهات بنضغط على نفسنا ونكتم غضبنا ونتجاهله ونحاول نتصرف بشكل إيجابي للأسف ده كمان مش مفيد ومش بيساعدنا ولا بيساعد اولادنا
انا سميته قناع، عارفة ليه؟
عشان دي مش حقيقتك يا ماما، انت مليانه حب وعطف وحنية مستخبيين والدليل على كدة حالة اللوم والعتاب والتأنيب وجلد الذات الي بتكوني فيها بعد ما تتعصبي وتبقي تايهه وتقولي لنفسك “مش عارفة ده حصل ازاي وازاي أصلحه؟؟؟”
عايزه تساعدي نفسك يا ماما تقلعي القناع، تتخلصي من عدوك ده، الي بيحرمك من علاقتك الطيبة بأولادك، من ضحكتك الحلوة، من حقيقتك، عايزه تعرفي ازاي تهدي نفسك من الداخل والخارج وازاي تعبري عن غضبك من غير ما تؤذي نفسك ولا تؤذي اولادك. عايزه تتعلمي ازاي تتحكمي في تصرفاتك وقت الغضب وتحمي نفسك وتحمي أولادك
