بداية العام الدراسي  بكره ودى اهم نصائح شهر زاد لكى

مرفت العربى عبد العظيم 

كل سنة وحضراتكم طيبين, بكره بداية العام الدراسي الجديد, يا رب يكون عام نجاح وفلاح وتوفيق لكل ولادنا يارب

وطبعا عامنا الدراسي السنة دى جاى فى ظل الموجة الرابعة لكوفيد19, وده بيخلي فيه احتياطات مهمة لازم نخلى بالنا منها وولادنا

طبعا يا ريت يكونوا كل الأطفال اتطعموا ضد الأنفلونزا الموسمية واحنا كنا نبهنا لأهمية التطعيم ضدها فى منشور سابق, لأن أعراض الأنفلونزا ممكن تتشابه مع أعراض كورونا

شنطة المدرسةيكون فيه(صابونة- مطهر كحولي- مناديل ورقية- كمامات لو سنه 12 سنة أو أكتر- كل أدواته المكتبية علشان ميضطرش يستلفها من حد تاني).
طفلك يغسل إيديه كتير أو يطهرها بالمطهر الكحولي وميلمسش وشه ولا أكله ولا شربه إلا لو إيديه مغسولة أو معقمة بالمطهر.
تعلم طفلك يغسل إيديه كويس بالمية والصابون بعد استعمال الحمام
إدى الطفل  زمزمية نظيفة وتنبه عليه يشرب ميه خلال اليوم
تعلم طفلك آداب العطس والسعال  يعطس فى كوعه, ودى آداب مفروض تتعمل حتى لو مفيش كورونا.
تنبه على طفلك ميشاركش زجاجة المية بتاعته مع أى طفل تاني, ولا ياكل معاه من نفس السندوتش أو الطبق.
تنبه على طفلك ميسلمش على حد باليد تكفي الإشارة
تنبه على طفلك يراعى التباعد بينه وبين زمايله
تنبه على طفلك إنه لو لاحظ إن حد من زمايله فى الفصل عيان (بيعطس- بيكح- بيرشح- باين عليه التعب) ميقربش منه وميديلوش أو ياخد منه حاجة
تنبه على طفلك يتوقف عن عادات وضع الأدوات المكتبية فى الفم.
لو الطفل سنه 12 سنة وطالع يبقى يلبس كمامة وميخلعهاش

نخلى أكل الطفل خفيف وطبيعي وصحي, وبلاش الوجبات السريعة والسكريات والعصاير
ألاكل يجب أن  يحتوي على مصادر طبيعية للفيتامينات, اللى هى الخضروات الطازجة والفواكه, .
نحرص على ممارسة الأطفال للرياضة بشكل يومي, الرياضة بتحفز الجهاز المناعي .
للأطفال النوم فى فترة الليل بيحسن آداء الغدد وبينظم هرمونات الجسم وبيحافظ على كفاءة الجهازالمناعي, أى حد مفروض ينام ما لا يقل عن ست ساعات ,  بيفيد الجسم وكمان بيحسن الإستيعاب والتركيز.

الكل يحاول يحافظ على الإجراءات الاحترازيه  مع أولاده