بدون تجريح تعملى اه لو مكان صاحبة المشكله
مها فتحي عبد الحميد
انا كنت متجوزه قبل كدا وانفصلت
وقعدت ٣ سنسن من غير جواز وسني دلوقتي ٢٢ سنه حصل نصيب واتجوزت من ٣ شهور حد كنت فاكره انه كويس ومتعلم ومثقف وكدا
المهم بعد الجواز علي طول طلعت فيه عيوب كتيره اوي
زي انه دايما بيتجاهلني ممكن يعدي ٤ ايام من غير حتي ما يقولي السلام عليكم
ماسك الفون ٢٤ ساعه
مانعني من الخروج وكل ما اكلمه يقولي بطلي كلام
والعيب الأكبر انه متعلم ومعاه شهاده وانا يعني واخده ثانوي كل مايكلمني يقولي يا جهله يا متخلفه مع اني والله مثقفه جدا وطريقتي في الكلام كويسه اكيد فيا عيوب بس والله في جوازتي التانيه عالجتها تماما شتيمه وضرب واهانه وبسكت بقوله ماتشكيش لأهلي ويبقا هو ال غلطان ويشكي وأهلي يجيبوا اللوم عليا
هو الايام دي مهملني جدا ومش معبرني ولا بيقولي كلمه حلوه ولا بيديني حقوقي الزوجيه تخيلوا لو لقاني لابسه ومستنياه بيلوي بوزه كأنه بيقول ايه القرف دا علي طول ماسك تلفونه وقافله برقم سري
والله مابيتكلم معايا حتي نص ساعه وانا تعبت من القعده لوحدي جالي اكتئاب
دلوقتي انا كلمت بابا وشكيتله وبصراحه جابلي حقي منه بدون غلط بس هو كلمني وقالي شكيتي لأهلك لو سمحتي حدش من أهلك يكلمني تاني هل انا غلطانه مع اني صبرت كتير واستحملت قسمابالله كل يوم لازم ابات معيطه ومحدش يقول اطلقي لأنه فعليا ماينفعش انه مطلقه قبل كدا ومعايا ٥ اخوات ولاد لو اطلقت تاني هيذلوني ومحدش هيرضي يتجوزني تاني
دا غير كلام الناس افيدوني الله يخليكم
