مكرونة بينك صوص 

الاء مجاهد 

مكرونة بينك صوص
في حلة نضع الماء يغلى على نار متوسطة، اسلقي المكرونة بحسب التعليمات المدونة على علبتها أو الكيس ثم صفيها من الماء.

2- في ووك على نار متوسطة، سخنى الزيت النباتي واقلي فيه البصل مفروم ناعم وفصين من الثوم مفروم ناعم حتى تذبل المكونات
نكهي بالملح والفلفل الأسود ثم أضيفي عصير الطماطم كوبايتين

سيبيها على نار متوسطة حتى الغليان
ضيفى كوب ونص من كريمة الطبخ
وأضيفي المكرونة على حسب كمية الصوص قدريها بالنظر كده واخر حاجة نضيف الجبن المبشور موتزريلا وشيدر احمر و اصفر
سيبيهاعلى نار خفيفة حوالى 4 دقائق مع التقليب
قدمى الباستا بالبينك صوص في طبق التقديم وقدميها ساخنة

بينك صوص بالفراخ
نفس الطريقة السابقة بس هنحمر قطع من صدور الفراخ مقطعة مكعبات مع الفلفل الاسود والجنزبيل والزعتر والبصل والثوم البودرة والبابريكا والبقدونس المجفف ونضيفها اخر خطوة قبل تقديم المكرونة ونقلبها معاها دقيقة ع النار ونزينها بالاعشاب المجففة أو بقدونس مفروم
تقدرى تعمليها بالجمبرى كمان بدل الفراخ

ماك & تشيز بدون كريمة
كوب مكرونة مع ٣ كوب حليب تغلى على نار هادئة عشر دقائق وبعدين نضيف عليها كوب جبنة شيدر نوع نضيف وقلبى لحد ما الجبنة تسيح وبالهنا والشفا

طريقة تانية بالكريمة
نسلق المكرونة عادى فى مياه مغليه مع ملح ع النار
فى حلة نحط قطعة زبدة تسيح ومعلقتين دقيق ونقلب بعدها نضيف كوبين حليب ونقلب ونضيف ملح وفلفل اسود وجبنه شيدر مبشورة وموتزريلا وبارميچان لو مفيش بدل منها جبنة رومى مبشورة من كل حاجة نص كوب ونقلب دقيقة ونضيف المكرونة وتقدم ساخنة وبالهنا والشفا

كل ما كانت انواع المكرونة و الجبن نضيفة هتطلع معاكم روعة جدا  مكرونة اسباجتى ريد صوص
مكرونة اسباجتى عادى اسلقيها بمياه مغلية وملح واعملى صلصة طماطم عادى جدا بس وانتو بتضربوا الطماطم فى الخلاط ضيفوا معاها ربع واحدة بنجر هيكون لونها تحفة كده