“محطة الثقافة والفنون” بالعاصمة الجديدة الأكبر و الأفخم بالشرق الأوسط وافريقيا
عبدة شحاتة
المحطة بتتنفذ امام مدينة الثقافة و الفنون و اللي بتضم اكبر دار اوبرا في الشرق الاوسط و اول متحف “مدام توسو” في افريقيا
المحطة بتخدم بشكل رئيسي وسط البلد الجديدة واللي بتضم اكبر منطقة للشوبنج والتسوق والموضة في المنطقة وكمان بتخدم افخم منتجع سياحي بأول شاطئ صناعي في مصر “منتجع سانت ريجيس الماسة”
المحطة تعتبر مركز |سياحي تجاري ترفيهي| عالمي هتغير مفهوم محطات السكة الحديد في مصر ، وده لانها بتضم مول تجاري (وول ستريت مول) و متحف احياء بحرية (اكواريوم) و دار سينما و غابة استوائية و منطقة مطاعم و كافيهات و دور ازياء عالمية
المحطة هتكون تبادلية بين مونوريل القاهرة Cairo Monorail و قطار القاهرة الكهربائي Cairo LRT ، يعني من المحطة دي تقدر بكل سهولة توصل للعبور و بدر و العاشر من رمضان و هيليوبوليس الجديدة و الشروق و وسط البلد الخديوية و 6 اكتوبر و باقي احياء القاهرة الكبرى
المحطة دي تختلف عن المحطة المركزية اللي بتتنفذ جنوب العاصمة الجديدة و اللي هتكون تبادلية بين قطار القاهرة الكهربائي Cairo LRT و القطار السريع (السخنة – مطروح) وهي بتتنفذ بجوار اكبر منطقة ترفيهية في الشرق الأوسط و افريقيا واللي بتضم لحد دلوقتي : مدينة مصر الدولية للألعاب الأولمبية – مدينة مرابط الدولية للخيول – حلبة سباقات فورميلا وان – حديقة عالمية – مدينة ملاهي دولية بالشراكة مع إحدى الشركات الأمريكية.
