” جريده نبض الوطن” تحاور مصممه الازياء العالمية “داليا عبد الفتاح “
حوار: مرفت العربى
من المحاماة إلى مجال الفاشون والتفصيل والأجواء والشهرة كان حلمها حتى حققته وابدعت وانجزت وفصلت فوصلت للعالمية وأثبتت لنفسها وللجميع انها أد التحدى والمثابرة والعمل حققت ما تتمناه انها مصممة الازياء العالمية داليا عبد الفتاح أشهر مصممة أزياء فى الوطن العربي
وأجرت جريدة نبض الوطن حوار مع
فى البداية عرفيني بنفسك؟
داليا عبد الفتاح عندي 43 سنه مواليد 15 اغسطس
الشهادات التى حصلتى عليها؟
تخرجت من كليه حقوق وبعدها دراسه بالمعهد الايطالي ست سنين وحصلت على شهاده دوليه من ايطاليا في الفاشون والباترون
الخبرات التى حصلتى عليها ؟
التشكيل على المانيكان والاطفال وعملت بكثير من شغلات بالمحلات و بالتدريس لمده 15 سنه في مصر ومؤخرا بتونس
ايه اللي خلاكى غيرتى الاتجاه من المحاماه للتفصيل
لاني لما دخلت مجال الحقوق ما لقيتش نفسي لكن ما سبتش المحاماه لازلت للان ولكن ادافع فقط عن حقوق المرأة لاني بقالى حق اختيار القضايا
التفصيل بالنسبه ليكى عباره عن اية ؟
التفصيل بالنسبالى شغلي اللي بعتز بة وبخلص فيه و خبرتي في الفاشون والتدريس علمت اجيال كثير وسيدات بالالوفات
حققتى نجاح في تصميم الازياء؟؟
حققت نجاح كبير وتم تكريمى بمجلات كثيرة بكتب فيها بصفه مستديمه وعلى سبيل المثال جريده مغربيه
طريقه تعليمك للمبتدئين محتواها بيكون ازاي؟
معي سيدات كثير اتعلمت عن طريق نقل الخبرات والاصرار بيطلعوا إنتاج من أول شهر بعلمهم بمقاساتهم الشخصيه حتى بتونس علمتهم وأصبح الآن معلم ناس كثير في أماكن مختلفه على مستوى الجمهوريه
لو قلنا ايه العقبات اللي وجهتك ؟
العقبات كثير جدا بس ولله الحمد تخطتها كلها
التفصيل والتعليم أثروا على حياتك؟
في الشخصيه اطلاقا الحمد لله انا ام وزوجه
وعندي ولد وبنت ولد عمره 21 سنه وبنت عندها 12 سنه
مين اكثر ناس كانت تشجعك وواقفة وراكى؟
اللي دعمني وشجعني وقوا من عزمتى طبعا زوجي وأولادى
اكثر ميزه بتميزك عن الجميع وبتخلي الكل يجيلك؟
بصي هاقول لك هو الضمير فوق كل شيء العمل بضمير في العمل هو اللي بيخلي الناس يجوني و الخبره وفي خلال شهر الاول بتغير حياتهم تمام النتيجه الخبره ونتيجه المعامله الطيبه معي
دعمتى دراستك منين؟
انا دراستى من الاجانب وخبرتى كلها نقلتها بكل ضمير للناس اللي هي كانت بتشتغل معاى
مين المصممين اللي تحبي تكوني زيهم؟
دونا كاران
تحبى تكونى اية؟
احب اكون اول مصممه ازياء مصريه تحب تعليم غيرها ورفع مستوى المراه العربيه والمصريه بشكل خاص دخلت مجال الفن فتره مع اولاد المخرجين وكنت مذيعه لفتره قصيره جدا و ستايلست ولكن بصراحه ما لقيتش نفسي في الفن او بالوسط الفني
اشتركتى في مهرجانات او ماشابه ذلك؟
عملت كثير من ديفيليهات بالمعهد اثناء الدراسه وسلمتني شهادة التخرج وزير التجاره والصناعه رشيد محمد رشيد وكمان اتكرمت اختاروني من بين الكثير من المصممين الازياء العرب على مجمل اعمالى وكلام ده كان في المغرب العربي و كان لي تصوير تلفزيوني لبرنامج كانموذج مشرف للمرأة المصريه
ايه اغرب موديل الطلب منك ؟
اغرب موديل الطلب مني كان لمسرحيه في المسرح انى أعمل موديل شبح وكمان بمدرسه اطلب اعمل كيمونو ياباني اصلي
بدايتك في المجال كانت ازاي؟
البدايه هو انى علمت جنسيات مختلفه وعملت شراكه مع شركاء تونسيين عملنا العديد من الاعمال رفع السيده المصريه والعربيه
المجال ده اضاف لحضرتك ايه اول شخصيتك؟
حب الخير للناس والشكر لله عز وجل والتمسك بالله بكل وقت طب
اكثر سن بيحب يتعلم،؟
فئه بدايه من سن 18 سنه فما فوق ذلك لكن حاليا بدات من سن 11 و 12 سنه بدات احط لهم منهج السن الصغير ده حابب مجال جدا وبيشوفوا كمان مصممين ازياء غير الكبار بيهتمو لان الكبار كل اهتماماتهم هي الخياطه لكن الاطفال بدا يطلع منهم خبرات وخاصه للبنات مش هنقول الاولاد بس كمان انهم حابين المجال لا ده البنات كمان داخلين المجال بحب وبيطلعوا افكار
لو سالت حضرتك عن اهم و افضل الخامات والالوان في الصيف يكون ايه؟
شوفي انا مؤمنه ان الموضه هي الشيء اللي يليق على سني وجسمي مش ترند لكن اللي اقدر اقوله ان كل جسم يقدر يلبس كل الالوان والقصات ولكن يقدر عن طريق الدراسه اختيار المناسب واخفاء ديفوهات الجسم مهما كان اللون مثلا
ابرز تصميمات اللي فعلا بتحبيها
كح
وسايبه بصمه معك وعامله نتيجه حلوه قوي وفي النهايه اشكر حضرتك على ذوقك و حوارك الراقي معنا الف شكر لكم واحب اقول لكل ست انت تقدري تعملي كل شيء فقط ثقي وتمسك بالله وشكرا جزيلا جريده نبض الوطن
