خدها نصيحة
د/ شيماء سيلمان استشارى الصحة النفسية
عايز تعيش في الدنيا وانت قافل على نفسك أبواب الحيرة والإستغراب وصدق أو الا تصدق اسمع كلامي وخدها
نصيحة…
بلاش تبدء يومك النهاردة وانت مكمل بالحاجات السلبية اللي حصلتلك إمبارح لان طاقتها السلبية حتتنقل ليومك ومش
حيكون أحسن حاجة.
بلاش تعلي سقف توقعاتك في البشر علشان السقف ده حيقع فوق دماغك ،وكمان بلاش تراهن إنهم استحالة يعملوا
كده فيك لانه للأسف مافيش إللي حيعملو اكده فيك.
بلاش تدي فرصة لحد يخليك تايه في الحياة لا طايل سماء ولا أرض.
بلاش تخلي حد يستغلك لمصلحته الشخصية ويستنفذ كل طاقتك في العطاء ، خلي الطاقة دي للناس اللي بتشحن في
طاقتك بإيجابية وبتمثل مصدرعطاء ليك.
بلاش تعاتب بني آدم على طبع فيه، ولا على غلطةعمال يكررهامعاك،صدقني مش حيفيد معاه العتاب كأنك
بتنفخ في قربه مخرومة.
بلاش تبرر أفعالك لكل من هب ودب وتستنفذ طاقتك لان أغلبها بتكون ردود أفعال غيرك معاك واللي حتبررله ده
ال هو مكانك وال عايش ظروفك فمتبررش ومتخافش على منظرك غير قدام اللي بيحبوك بجد دول المهتمين
بصورتك قدامهم وصدقني حتالقيهم مش حيطلبوا منك تبر ير أى حاجة لأنهم عارفينك كويس.
بلاش تزعل وضايق نفسك لما تلاقي اللي غلط فيك بيبرر غلطته معاك بمبررات تقلل منك أو تجيب الغلط عليك
وإنك السبب فى الحصل، ساعتها وانت كلك ثقة في نفسك إبتسم إبتسامة هادية ممز وجة بشوية سخرية وقول
ملقوش في الورد عيب قالوا يا أحمر الخدين ،واعرف إنه لازم يعمل كده علشان يريح ضميره ويصدق فعلا إنك
السبب أومال حيقنع الناس إزاي إنك السبب لو مصدقش نفسه.
بلاش تفقد ثقتك بنفسك بسبب أراء بعض البشر فيك ، لان أغلب الاراء دي بتكون مبنية على مصلحة تتطلب ذلك،
غيرة ، حقد أوجهل بشخصك.
بلاش تحبس نفسك داخل سجن أفكارك المؤذية سواء كاتت حزنك على الماضي أو خوفك من المستقبل .
بلاش تدخل في مناقشات مش مناسبة لأفكارك ، مبادئك وقيمك اللي اتربيت عليها ومؤمن بيهامع حد بيدافع عن
أهوائه اللي بتخالف كل معتقداتك وطبيعتك البشرية.
بلاش وانت واضع راسك على مخدتك وبتنام تقعد تفكر في الحصلك من عشروميت سنة وتقلب في القديم ، ارسم حلمك
بنفسك وخليه حلم جميل لبداية أجمل.
بلاش وبلاش وبلاش ……………
لوقعدنا نقول بلاشةمن هنا لبكرة مش حنخلص ، ما هو اللي يعيش ياما يشوف…
