الشاعر سعيد الريان … مش هاتفضل وحشه ديما
مش هاتفضل وحشه ديما
سبها ربك هايساويها
برضي الجاي احسن
انسي وماتفكرش فيها
مش بقوه أو عناد
تبات نار تصبح رماد
سبها علي رب العباد
وحدو بس قادر عليها
مهما ضليت الطريق
او حسيت جواك بضيق
مافيش غير ربك رفيق
غفار لذنوب ماحيها
مش هاتفضل دنيا مره
بكره مع الايام هاتحلي
مهما داقت الف مره
اصبر تلقي الجاي احلي
ربك رب قلوب غفور
بعد ليل بيشق نور
ديما بيجازي الصبور
ويعوض الصبر بيها
مش هاتفضل ظلم سبها بكره الفرحه تملي عينك
كل حاجه ليك كاتبها
والمكتوب لك مش لغيرك
واللي راح مسيرة يرجع
ربك بيراقب ويسمع
وعارف اني الجرح يوجع
اصبر الفرحه تلاقيها
ومش هاتفضل وحشه ديما
سبها ربك هايساويها
