(البارون كولر)
ياسر جلال زاهر
️كولر أستاذ ورئيس قسم التطوير والراجل فعلا بيثبت كل يوم لينا مصداقية هذا الكلام وأننا بالفعل على موعد مع مدرب كبير بيستخدم كل أساليب التدريب خططيا وفنيا ومعنويا ونفسيا .
️لما نشوف ثنائية منعم ومتولى والي اي حد الراجل قدر يخلق مزيج من القوة والعقل هتعرف أنه بالفعل مدرب كبير .
️لما تشوف بيقدر يجهز ازاى البديل تحسبا لأى ظرف طارىء زى ما حصل مع ياسر و ربيعه وخالد عبدالفتاح ويشاركوا ومتقدرش تحس بغياب الأساسى هتعرف إنه بالفعل مدرب كبير
️لما يعيد اكتشاف محمد هانى وانا قولت الكلام ده كتير وازى قدر يحرره من الضغوطات اللى كانت عليه وقدر يطور من أدائه هتعرف أنه بالفعل مدرب كبير.
️لما تشوف ازاى قدر يطور من أداء حمدى فتحى ويكتشف فيه موهبه جديده كانت مدفونه وراء الأدوار الدفاعية البحته ويخليه اهم قطعه فى منظومته التكتيكية هتعرف أنه بالفعل مدرب كبير
️لما تشوف التطور اللى حصل فى أداء ديانج فى دقه التمريرات الطوليه وجرأة الركض بالكرة لقطع مسافات وضرب خطوط هتعرف أنه بالفعل مدرب كبير
️لما تشوف لعيبه جديده دخلت على الفريق زى مروان عطية وخالد عبدالفتاح وتحس أنها لعيبه بقالها سنين فى النادى وازاى انخرطوا وسط المجموعه بالسرعة ده هتعرف إنه بالفعل مدرب كبير
️لما تشوف أنه قدر يستخرج الكتير والكتير من مستودع موهبه حسين الشحات ويرجع لينا نسخة الشحات بتاع العين باعطائه الحرية واللامركزية فى الثلث الهجومي هتعرف أنه بالفعل مدرب كبير.
️لما تشوف لاعب زى كهربا عنده مشاكل ومهدد بالايقاف ومهدد بضياع مستقبله وفى الفورمة الفنية ده وكل مباراة له بصمة سواء بتسجيل أو بصناعه أهداف تعرف أن ده بسبب التعامل النفسى الصح وتعرف أنه بالفعل مدرب كبير
️لما تعرف أن معلول هو أهم لاعب وأهم رئه هجومية بس فى دايما قلق من تقدمه المستمر وتحافظ على موهبته الهجومية وتخليه يطلع كل ما عنده من إمكانيات بتأمينه بلاعب وسط فى ضهره هتعرف أنه بالفعل مدرب كبير
️لما تشوف الأدوار التكتيكية اللى بيعملها طاهر فى وسط الملعب وفى الاجناب والي اي مدي بيستغل عامل القوة البدنية اللى عنده فى ايقاف مصادر خطورة المنافس هتعرف أنه بالفعل مدرب كبير
️لما تشوف التطور اللى وصل ليه معظم لاعبى الأهلى فى نقطه التسديد زى السوليه وحمدى وديانج والشحات وهانى وان ده حل سحرى لضرب التكتلات فى المباريات المقفوله هتعرف أنه مدرب كبير
️لما تشوف لاعب فاقد للثقه زى شريف بسبب تعامل مدربين سابقين بطريقة غير سوية معاه وترجع ليه ثقته فى نفسه وترجعه مره اخرى شريف المخيف هتعرف أنه بالفعل مدرب كبير
️لما تشوف تمسكه بلاعب زى بيرسى تاو وواثق فيه وفى قدراته زى ما كلنا
️لما تشوف تمسكه بلاعب زى بيرسى تاو وواثق فيه وفى قدراته زى ما كلنا واتقين فى قدراته ومشكلتنا الوحيده معاه هى كثرة إصاباتهم اللى اعتقد هيشتغل كولر عليها الفترة اللى جايه بأنه ما يطحنوش فى كل المباريات وازاى يقدر ياخد منه اللى هو عاوزه فى اوقات معينه هتعرف أنه بالفعل مدرب كبير .
️لما تشوفه بيحاول يطلع قفشه من عباءة صانع الألعاب ويحاول يوجد له مكان فى طريقه 4/3/3 كلاعب وسط 8 و يحاول ينميها فيه هتعرف أنه عايز يستفيد من كل لاعب معاه فى القائمة وأنه بالفعل مدرب كبير
️لما تشوف عقليته فى اختيار الصفقات وأنه مش عايز أى صفقه والسلام وعايز اللى ييجى يكون افضل من اللى موجود هتعرف أنه مش جاى ياكل عيش هتعرف أنه جاى يصنع تاريخ وهتعرف أنه بالفعل مدرب كبير .
️حاجه واحده فقط اتمنى يطورها وهى طبيعة لعب أحمد عبدالقادر ياريت يغير عنده حته القرار امتى يشتغل فردى وامتى يشتغل جماعى ولو قدر يعمل ده هنكسب موهبه عظيمه فى زمن قلة فيه المواهب .
شكرا كولر على التطوير والإبداع والامتاع والإقناع مدرب كبير لفريق عظيم
