ياسمين عصام تكتب …محدش بيحاول بيجيب صفر
الجملة اللي دائما بتقولها محدش بيحاول وبيجيب صفر الشخصية اللي معانا انهاردة رانيا إسماعيل* *مؤسسة شركه كاريرك.
من حد طول عمره دحيح لدخولها كلية علوم واللي فكرت كتير تعيد الثانوية إلا إنها بدأت تشوف هي شاطرة في إيه وبتعرف تعمل إيه.
وده السبب الأساسي في إنها تأسس *careerk* بسبب إنها عاشت نفس مشكلتنا وهي مرحلة التوهان.
من خلال رحلتها أتكرمت ك واحدة من أصغر African changemakers ، ومن بعد ما شاركت ك أصغر عضو في تنظيم المؤتمرات إلي أن تشارك ك Event manager . ♥️
اتعلمت منها وكلامها اللي حقيقي بيشجعني إن أكمل في أي حاجة بعملها.
🔹إن الشغل بيجيب شغل،مفيش شغل عيب ،المهم منستناش الفرص الكبيرة بالعكس نسعي ونجتهد.
🔹لازم دايما نطور في نفسنا ونستثمر فيها ،لأن الفرص بتيجي للمُجتهد وإن محدش فينا كبير علي العلم.
🔹منخافش من الخسارة ،لأنها هتعلمنا.
🔹نسعي ونجرب ونكتشف شاطرين في إيه.
🔹نتعود إن أي خطوة في حياتنا لازم نعرف هتعود علينا ب إيه ؟وهتضيف إيه.
🔹يبقي عندنا يقين إن كل حاجة من ربنا خير.
🔹لو عايزين ننجح في حاجة لازم يبقي عندنا إستمراية فيها.
*من خلال تجربتها لخصتها*
في إن يبقي ضروري يبقي عندنا mentor يكون عنده خبره كبيرة يوجهنا صح.
كل ما نكبر شبكه علاقتنا ده بيفتح فرص وحاجات أكبر.
وقبل كل ده لازم أكتشف المجال اللي أنا حابه من خلال كورسات أو كتب.
🔹التجربة العملية بتساعدنا لإكتساب خبرات أكتر .
*والخلاصة* إن لازم تتخطي أي حاجة خسرتها وتكمل طريقك.
*خليك صورة لحلمك يا صديقي*. ♥️
