حسان العربي: أتمني التعاون في عمل فني مع الزعيم عادل إمام
محمد طه
حسان العربي فنان مصري شارك في عدة أعمال فنية متعددة متنوعه لكنها ذو طبع خاص بصفتها صغيرة الدور في العمل لكنها تترك بصمة لدي الجماهير ومن أعماله طباخ الريس ست كوم راجل وست ستات وعلي جنب ياسطي
وجاء نص الحوار كالتالي:
حضرتك بتقدم دور في مسرحية زقاق المدق علي مسرح البالون إزاي تم أختيارك للدور؟
قدمت قبل أعمال فنية مسرحية فالمسرح كشغل مش غريب عليا دكتور عادل عبده كلمني وقاللي دور وتفاصيله فعجبني ووافقت
بتسعتد للشخصية علي طريقتك إزاي؟
بعيش الشخصية وكأنها حقيقة علي أرض الواقع بدرس أبعادها بعشيها بشوفها بتعملي اية بتخليها من كل النواحي عشان تطلع في العمل بشكل كويس
كواليس العمل المسرحي في زقاق المدق؟
من أفضل الكواليس كلنا اخوات وفريق واحد والحب للفريق سبب من أسباب نجاح العمل
عمل فني مبسوط ان حضرتك قدمته؟
بالنسبه للمسرح الجوز واللوز اما السينما علي جنب ياسطي طباخ الريس التلفزيون ريا و سكينة
هل في شخصية فنية قدمتها وكانت قريبة من حضرتك علي أرض الواقع؟
بصراحة لغاية دلوقتي مفيش شخصيه فنية قدمتها قريبة مني
ممثل مصري حضرتك تتمني تتعاون معه في عمل ؟
أتمني أشتغل طبعا مع الزعيم عادل إمام
عمل فني قديم قولت اتمني اشارك فيه وأقدم دور هذا الممثل؟
بحب جدا فيلم السفيرة عزيزة بطولة الفنانة الراحلة سعاد حسني وكنت حابب دور الفنان عبد المنعم إبراهيم جدا لانه قدم شخصية تميل للاتزان
