على حالنا سنين
بقلمى محمد عنانى
على حالنا سنين وسنين
فى ساقيه بقينا دايرين
ما عرفنا لفين رايحين
ولا حتى نقول جايين
على طول بيسوء الحال
وتعبنا صراخ وأنين
ودموعنا على الخدين
من طولها أيامنا سنين
رغم إنه طريقنا يمين
ولا مره مشينا شمال
ولا حلمنا فى الملايين
وحلال وحرام واكلين
وفساد طالعين نازلين
فى كل طريق سالكين
مادام الأسلوب شغال
وحنشكى همومنا لمين
ومنين حنجيب سامعين
دى ودن ياناس من طين
والودن التانيه عجين
ولا عادش كلام يِتقال
ولا نِعرف غيره مُعين
سبحانه رب العالمين
على باب الرجا واقفين
ندعى له بدمع العين
ورجانا صلاح الحال
لطريق واضح ومبين
يسترنا فى دنيا ودين
ويحفظنا من الظالمين
آمين يارب آمين
