فخار لحمة تركي بالخضار

أيناس عادل 

المقادير :

كيلو لحمه من وش الفخده

بصلتين كبار

روبع كيلو جزر

روبع كيلو كوسه

روبع كيلو بطاطس

روبع كوب زيت

معلقتين سمنه بلدي

ملح

فلفل اسمر

بهارات لحمه

مكعب مرق لحمه

الطريقه :

نحط الزيت في حله على النار والسمنه وننزل باللحمه ونشوحها وننزل بالبصل ونشوحها ونزود مايه مغليه لنص الحله وبعد ماتستوي نحط ملح فلفل اسمر توابل اللحمه ومكعب المرق

وبعدين نحط الجزر والكوسه والبطاطس متقطعه ونسيبهم روبع ساعه وبعد كده بنجيب فخار ونحط فيه كل الخضار باللحمه وبعدين نجيب 2كوب دقيق ونحط عليه ذرة ملح معلقة سكر روبع كوب زيت روبع كوب لبن روبع كوب مايه معلقة خميره صغيره ونعجنها كويس ونسيبها تخمر وبعد ماتخمر نفردها كويسه ونعملها غطاء فوق الفخار نجيب بيضه ونحط عليها معلقة لبن رشة فلفل اسمر وندهن بيها وش العيش وبعدين حبة البركه أو سمسم أو نخلط حبة البركة والسمسم او لو مش حابين يبقا نكتفي بالدهان فقط وندخلها الفرن من تحت روبع ساعه ومن فوق لحد ما الوش يحمر وبألف هنا وشفا