احلف بأيه تانى
محمدحسنين
عاشق طين بلدي
احلف بأيه تانى ياغاليه فيكى
طب ايه تاني ياغاليه يرضيكى
احلف بالارض ولا العرض
ولا السد
اللى بيحميكى
احلف بالمزارع ولا بالمصانع
ولا بالواد
اللى عينه عليكى
احلف بالجبال ولا بالسهول
احلف بالشوارع بالكنايس
ولا الجوامع
ولا بحواريكى
احلف بالشجر احلف بالمطر
ولا بليالي السهر
احلف بالنيل اللى بيروى
الجميل اللى بيسرى
واحلف ان انا المصري
اول فجر فالكون كان فجري
اسالوا الفرعون من بدري
مين بعد ربي الا المصري
احلف بايه غير للي سلمت له امري
احلف بالسما الصافيا
ولااحلف
بالامهات
واحضانها الدافيا
احلف باللى ضحى بروحه عشانك
مش غريب مهو شارب من حنانك
احلف بالجيره ولا العشره
ولا احلف بدم الشهدا
مخلوط محنى الارض الصفرا
ولااحلف بالحسين والسلاله الطاهره
ولااحلف بالمسيح وبستنا العذرا
احلف بالجوامع ولا بالكنايس
ولا بمحمداللى راضع من تريزه وازيس
ولااحمداللى طالع لأخوه موريس
ولا احلف
بالارض اللى موحدها مينا
ولااحلف بتحريرنا لسينا
ولااحلف بالخير اللى مستنينا
احلف بايه تانى ياغاليه فيكى
ولااحلف
بحنين اللى قام من ع الكرسي
قعد فاطمه تعالى هنا يااختى
ولا الواد اللى شافها معديه
شايله محنيه
جري باس ايديها حطى علىي
احلف بالغنى اللى على ماله غفير
بيدي المحتاج مكفى كل فقير
احلف بايه تانى ياغاليه فيكى
ايه ياغاليه ياغاليه يرضيكى
احلف بالعريس اللى بدمه يحنيكى
ولا بامه اللى قالت يامصر كلنا نفديكي
حبست دموعها وبتردد وبتغنى غناويكي
ولا بعروسته اللى لسه يدوب بفستانها
كان نايم جوزها فرحان دفيان باحضانها
ولما قولتى وناديتي ياغاليه
قبل الندي قام لبي نداكى
بتصرخ ابنى اللى ف حشايا
غالى عليى غالي ياضنايا
ح يكبر وينحني ليكي
وان فردتي اديكي
هو برضه يحنيكي
واقف فالطبور مستني دور
يدافع ويستشهد فيكي
وحالف يلف الكون يلف يدور
يقول ياغاليه
ان الكون بدء من نور عنيكي
احلف بايه تاني ياغاليه فيكي
