رسالة سفير التضامن ..صفاء مصطفي .. أم مثالية صنعت بطلًا.. فيديو وصور

كتب : احمد سلامه

يمكن البداية كانت بحلم . حلم إني يكون أصلا عندي بنت.. ربنا إداني لبنى.. بس جات لبنى بمتلازمة داون.. ورغم الألم والمشاكل.. فضلت قوية وصامدة وجمب بنتي وفي ضهرها. أنا صفاء مصطفى الأم المثالية الأولى على مستوى الجمهورية عام ٢٠٢٠. شوفت زي غيري الصعب . والصعب لما شد حمولة.. خلق أمل.. أمل جديد بعيشه كل يوم.. مع لبنى.. نعمة ربنا وهديته.. أنفاسي وطموحي ونجاحي .

ربنا قدرني وقدرت أدخل بنتي مدرسة علشان تتعلم لأن ده أبسط حقوقها.. بس وقتها قررت أحصل على عدد من الكورسات علشان أشتغل في نفس مدرستها . ووزارة التضامن قدمت الدعم والسند وقدرت لبنى تستفاد بكارت الخدمات المتكاملة الخاص والمميزات اللي بيوفرها الكارت لذوي الإعاقة.

و عشان أكون جمبها خطوة بخطوة.. اشتغلت فعلا بشكل تطوعي.. وتطُّور لبنى كان مكافئتي الكبيرة.

لبنى بدأت رياضة السباحة وأثبتت نفسها في الرياضة دي.. كسبت كتير من البطولات ، وكمان شاركت في عدد من المؤتمرات بحضور السيد الرئيس عبد الفتاح السيسي .

لبنى بقت بطلة قوية.. حلمي بيتحقق فيها وهي لسة عندها أحلام كتير عايزة تحققها..

https://www.facebook.com/watch/?v=180325033909838