موقع ” صياح sia7 ” يعرض مشكلة والأعضاء ترد
عرض احد الأعضاء على موقع ” صياح sia7 ” مشكلة لتقيم وأبداء الرأى وقال المستخدم ويحمل اسم ” طريق مسدود ”
عمرى ما قولت انى تعبانه و دا بيعمل مشاكل كتير لنفسى و لأهلى يعنى ممكن اكون رجلى وجعانى و مش قادره أقف بس ماما قالتلى اعمل حاجه أفضل اعملها و انا بموت ، لما بكون عندى برد و سخنه عمرى ما قولت لهم و بدور ع علاج لنفسى لما بكون تعبانه جدا و حد يسالني عامله ايه اقوله تمام ، انتى تعبانه ؟ لا انا كويسه ..
ماما معظم مشاكلها معايا عشان مش بحكى اى حاجه.. سقطت فى الثانويه و قمة ثبات انفعالي و عادى و الحمد لله على كل شئ بس بنهار لوحدى، اليوم دا قعدت اعيط 3ساعات متواصلة لوحدى لدرجة أنى كنت حاسه انى هيجيلى سكته قلبيه .. الحمد لله انا معنديش ولا صديق بس عندي ام مستعده تسمعنى و عندى اخوات مستعدين يقفوا جنبى بس انا مش عارفه! انا طول حياتى مكتفيه بنفسى و حياتى عايشتها لنفسى بس تو بى اونست انا محتاجه أصيح .. محتاجه حد جنبى انا بخاف انام بليل ، لأن بيجيلى كوابيس كل ما انام و بصحى معيطه بستنى لما الشمس تطلع و انام كان الموضوع عادي لما كنت فى ثانويه عامه عشان مثلا كنت بسهر اذاكر و كدا لكن الوقتى مش بنام 4 ساعات على بعض عشان ماما بتصحينى و بتهزأ عشان بصحى متأخر .. كانوا عارفين انى مش بعرف انام بليل بس لو انا فضلت اقول كدا
و هما كدا كدا عارفين يبقى دا معناه ايه كتر التبرير بببين أنهم كدا كدا مش مهتمين انا محتاجه حد جنبى بس مينفعش يبقى فى حد جنبى ، لانى فى الاخر همشى و هبعد و هجرحه .. كل حاجه عايزه اعملها لما بفكر فى للمستقبل لو عملتها بلاقى أن مينفعش اعملها حاسه انى قدام طريق مسدود .
