تعدى ست على فتيات فى المترو…..
روان ياسر
كأى يوم عادى استقلت ثلاث فتيات جنة وسلمى وآية مترو الانفاق عائدون إلى المنزل. ، وكانت الامور تسير بشكل طبيعي حتى جاءت سيدة وهاجمت فتاة من الثلاثة وقالت: لمي كتافك دى الرجالة طالعة ونازلة ده انتى بمناظركم دى تتمسكوا دعارة.
وبالصدفة سجلت إحدى الفتيات الفيديو الذى اصبح تريند وانتشر على كل مواقع التواصل الاجتماعي .
تواصلت احدى الصفحات مع جنة ٢٤ سنة وهى طالبة بجامعة حلوان وروت تفاصيل فيديو سيدة المترو وقالت : اليوم ده كنا راجعين من الجامعة لأننا فطرنا هناك والست دى كانت قاعدة وفجأة قالت لصحبتي (انتي فاجرة، انتو بمناظركم دى تتمسكوا دعارة)
لما لقيتها بتتكلم بالطريقة دى رديت عليها (انتي بتتكلمي كدة ليه؟ )
قلعت الشبشب وكانت عايزة تضربنا بيه .
اضافت جنة : صحبتي كانت لابسة تي شيرت نص كم وردت بكل ادب ( انا لو حد بص هو اللى هياخد الذنب مش انا)
واكدت جنة ان جميع السيدات والفتيات المتواجدات فى المترو تضامنوا معهن وتعالت اصواتهن : هما احرار… مالكيش دعوة انتي .
استمرت المشاجرة بين السيدة والفتيات لعدة محطات، إلى أن انتهت الرحلة، وعادت كل منهن وفي قلبها غصّة مما حدث، كما تقول جنة: أنا صورت الفيديو لكن مكنتش متخيلة إن ردود الفعل هاتكون كده، حد كلمنا من النيابة العامة والمسؤولين.
ورغم ردود الفعل الإيجابية إلا أنّ بعض رواد المواقع التواصل الاجتماعي هاجموا جنة وصديقاتها، كما تحكي: الناس اللي في العربية كانت في صفنا، لبسنا كان عادي جدًا، واعتذرولنا، لكن بعض الناس على السوشيال ميديا فضلوا يدافعوا عن الست وشهّروا بينا، وبدأوا يتداولوا صورنا الشخصية، طيب بتدافعوا ليه وبناء على إيه
