نصايح مطبخية

مرفت العربى

الباذنجان المخلل ضيفي بقدونس مفروم مع التوم بيدى طعم حلو جداا

ملعقة سكر صغيره في صلصة المكرونة عشان متعملش حموضة

البطاطس قبل ماتحمريها اسلقيها خمس دقائق في ميه وملح

ومعلقة خل بتقرمش ومش بتشرب زيت

قشر الليمون مش ترميه حطيه ف سائل غسيل المواعين بيدى لمعة وريحة جميلة

محشي ورق العنب سخني حته زبدة وحطيه عليه قبل ما يتشرب بشوية عشان يبقى بيلمع وطعمة جميل

عسل في تتبيلة الفراخ المشوية بتدى طعم حلو

زبادي في تتبيلة البانيه بيخلية طرى ومستوى كويس

ادعكي الفراخ ببصلة وملح وفلفل وقليل من بهارات الفراخ قبل السلق عشان يبقى ليها طعم وريحة ومتبقاش زفرة

الرز باللبن ضيفي كيس كريم شانتيه هيخلى الطعم جامد وزى بتاع برة بالظبط

رشي دقيق وملح علي بصل الكشري قبل التحميرعشان يكون مقرمش

رشة زعتر علي صلصة المكرونة بتدى ريحة حلو وطعم مميز

بيكنج بودر علي عجينة الكفته المشوية ميخلهاش تكش وتكون منفوشة زى ما هى

تشوح اللحم في الزبد وحبهان وورق لورا وبصل وطماطم قبل السلق نديها صدمة فعلا بيفرق جداا فطعمها وطعم الشوربة

الرز الابيض شوحي مستكة وحبهان في السمن قبل الرز هيخلى طعمه يجنن

لاحلي صلصة مكرونة اضربي مع الطماطم توم وفلفل رومي وفلفل حامي

إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو

وانتي بتقلي البانيه حطي ملعقة زبدة مع الزيت هيبقي زي المطاعم