احكلى ياجدتى على ايام زمان

ميرفت العربى

احكلى ياجدتى على اللى كان
كنا عايشين
لا كان بالكتير ولا كان بالقليل
كان فيه رضا والقلوب كانت على بعضها بتميل
والسؤال على بعضنا كان بيشفى العليل
كنا عايشين
لا كان فيه طماعين ولا جشع بنى ادمين
كان فيه قناعه ودايما لربنا حمدين
كنا بالمقسوم راضين
كنا عايشين
فى زمن كله حب وكله حنين
ماكنش فيه اسوه ولا غدارين
كنا عايشين
و بالامان حاسين
ولا خوفنا فى يوم من غدر السنين
كنا سيبنها على الله ومطمنين
كنا عايشين
ومن جوانا مالينه الحنين