ماجده حسين..تكتب..عيد الأم 

الام لو تحدثنا عنها لاتكفي ملايين السطور لكي نكفيها حقها اذن لماذا نحتفل بعيد الام هل الام تستحق يوم واحد فقط لتكريمها

اكيد لاء فكل يوم امنا علي قيد الحياه فهو عيد لنا وكل من له ام يدعي لها بالصحه والعافيه والبركه في العمر

طب وايه المشكله اننا نحتفل بيوم عيد الام اهو اللي ناسي امه يفتكرها في اليوم ده ويفرحها بالهديه

هقولك طب وليه تستني يوم في السنه علشان تفتكرها فيه برك بيها عيد بالنسبة ليها دخلتك عليها كل وقت عيد بالنسبه ليها خدمتك ليها بتفرحها احسن من الف هديه

اللي عوزه الفت انتباهكم ليه كميه الالم والوجع لكل شخص فقد امه لمابيسمع اغاني عيد الام لما يشوف المحلات كلها مشغله اغاني والناس ماشيه بالهدايا والمحالات زحمه

طب الأطفال الصغيره اللي اتحرمت من امها عارفين ايه احساسهم يوم الإحتفال في المدرسه ولا الحضانه مش كفايه حرامنهم من امهم كمان نوجع قلبهم ونزود حزنهم بدل ما نطيب خاطرهم

انا واحده من الناس الحمد لله ربنا يبارك في عمر امي ويديها الصحه مش قادره اسمع اغاني عيد الام ولا عوزه هديه عيد الام من ولادي

لاني شايفه كميه بوستات حزينه توجع القلب لأشخاص فقدت أمهاتهم رغم انهم كبار وامهات

طب مابلك بالي اتحرم منها وهو طفل ذنب الاطفال دي ايه علشان نزود وجعهم ربنا يصبر قلبهم يارب

عاوز تحتفل بامك احتفل بينك وبنها بلاش تنزل علي الفيس اغاني وقت مايبقي معاك فلوس هات ليها هديه حلوه بس مش لازم تخلي يوم مخصص في السنه لكده