هذيــــــــــان….؟؟

بقلم شاكر محمد المدهون

اصل الحكاية… بسمة عين وضحكتها..

ورجفة شفايف.. كل الكون سمعتها..

وموال فرح.. ودمعة قادت في القلب.. شمعتها…

غنى القلب موال العشق.. لما سقاه الامل.. ضحكتها..

سهر الليالي ونجوم الليل عديتها..

نور القمر خلى الليل..بسمتها

وشمسي صارت نجم .. من نجوم طلتها..

احزن وابات اشكي..

لو مست نسمة صبح صورتها..

في عيونها غنى الطير شدوه..

وبسمتها دوا تشفي جراح..

لو مست جروح الكون بسمتها..

وكلامها يمسح دموع الكون.. لو قالت..

تضوي شموع .. لو بحور الكون دمعة..

تمسحها رقتها..

في صوتها لحن رقة..

لو تسمعها الحان الكون..

لسعت تكون نبرة في رقتها..

ولو شاف الجمال جمال الروح وخفتها..

لبات ليالي سهران.. يسأل: هو جمال الروح فيها؟؟

ولا انا صورة لجمال الروح ورقتها؟؟

في روحها معاني غير الجمال..

لو عرفها الكون لغير من طبعه..

وخلى الرقة ضحكتها..

————————–

شاكر محمد المدهون