فراخ مشويه في الفرن
شهر زاد
المكونات :
فرخه
بصله
طماطم
جزر
معلقه كبيره هريسة شطه
٢ معلقه كبيره زيت
٢ معلقه كبيره ليمون
٢معلقة خل
ملح و فلفل
توم و بصل بودر
سماق بهارات فراخ
الطريقه:
هنضرب التتبيله كلها في الكبه او الخلاط لحد ما تبقى ناعمه خالص و نتبل الفراخ كويس و نسيبها ليله كامله في التتبيله.
التسويه :
هنحط الفراخ في شبكه و نحطها على الرف اللي النص و نحط صنيه فيها ميه في ارضية الفرن عشان تعمل بخار و تحافظ على الفراخ جوسي و طريه و متنشفش
او نستخدم الكيس الحراري
و نولع الفرن و الشوايه لحد ما تاخد لون الشوي و نطفي الشوايه ونغطيها بورق فويل و نسيب الفرن لحد ما تكمل تسويه وممكن كمان نكمل تسويتها علي صينية فيها فحم
و بالهنا .
طريقة عمل الارز البسمتي
مبدأيا الارز البسمتي يكون نوع كوويس
في ناس بتنقعه وناس لاه انا مش بنقعو
بتحطي زيت ف حله وعليها بصلة صغيرة متقطعة صغير جدا حتي تصفر ويضاف ليها كركم وكاري وورق لورا وحبهان ولومي وقرنفل ومرقه دجاج وملح وشويه فلفل اسمر وعود قرفه
يتقلبو كويس ف الزيت
الارز يتغسل ويتحط عليهم ياخد تقلبتين مع البهارات والتوابل دي
وبيتضافلو مياه سخنه بتتكون ضعف الارز
لو الرز كوبايتين يبقي ٤ ميا
وهكذا
يتعلي عليه النار يغلي كويس ويتشرب نوطي عليه ….
وبقطع بصل وفلفل الوان واتبلهم بنفس التتبيلة وفورق فويل اسويهم في الفرن واضفهم علي وش الفراخ
وبالف هنا
