حادث القطار – ماشوفتش صاحبي يا خال

كتب/ محمود حسن أبو الفضل

كلمات / مايكل نبيل

ما شوفتش صاحبى ياخال كان لسة قاعد جنبى وعازمنى على شاى
ما شوفتش صاحبى ياخال كان جايب حاجات ومستنياه ام العيال
كان فرحان ومبسوط علشان كان هيشوف اهله بعد الغياب ما طال
ما شوفتش صاحبى ياخال دا لسه سايب اهلة ورايح يدور على رزقة علشان مصاريف الجواز
ما شوفتش صاحبى ياخال كان بيحكيلى عن حبيبته حكايات
وكان جايبلها شال وخلخال واسورة دهب وشال
ما شوفتش صاحبى ياخال هقول ايه لامه اللى مجهزاله الأكل وقاعدة مستنياه
ماشوفتش صاحبى ياخال دا لسه مودع أمه وواخدها بالاحضان
ماشوفتش صاحبى ياخال دا سابنى بسبب الفساد والاهمال