طريقة عمل البرجر
شهر زاد
وسع وسع احلي وانظف برجر يتعمل في البيت وسهل جدا
والاولاد بيحبوه وانت ضامنه انه صحي
المكونات :
كيلو لحمه مفرومه
خلطه البرجر من ماجي
٣ بصلات كبار
معلقه كبيره بابركيا
حوالى ٥ معالق كبار فيجيتار أو بقسماط
معلقتين كبار كاتشب
معلقتين كبار صويا صوص
التوابل
فلفل اسود و بودرة بصل و ثوم بس كدة
الطريقه:
_ تقشري البصل وتضربيه في الكبه
_ هاتي طبق وحطي اللحمه والبصل وخلطه البرجر وشويه الفيجتار ومعلقه البابركيا ودخليهم في بعض واعجنيهم كويس اوي
_ هاتي غطاء بطرمان وحطي عليه كيس وافردي بايدك البرجر في الغطاء هيطلع بشكل ده والغطاء قدامكوا في الصور.
وبعد ما تخلصي شيلي في الفريزر وتطلعي تقلي علي طوال بيبقا تحفه
و هنحمر شوية بطاطس و كاتشب و مايونيز و نقطع خس و طماطم و فلفل و لو عندك مخلل خيار و شوية هاليبينو يا سلام
