أطفال فى سن الحضانة أو المدرسة بيعانوا من أدوار البرد
نبض الوطن
أغلب اللى عندهم أطفال فى سن الحضانة أو المدرسة بيعانوا من أدوار البرد المتكررة عند الأطفال خاصة فى ال ٤ شهور الماضية
و إن الأطفال مش بتلحق تخف
و عشان دى اكتر حاجة مسببة قلق للأهل ده هيكون موضوع البوست ده
أول حاجة لازم نعرفها و تكون مطمئنة لينا إن طبيعى إن الأطفال لغاية سن 12 سنة بتكون مناعتهم قليلة عشان كرات الدم البيضاء المسؤولة عن مقاومة الفيروسات بتفضل تطلع من اللحمية و اللوز و غده تانية اسمها thymus لغاية سن 12 سنة
و العدد اللى بيطلع بيفضل ثابت بعد كدة طول العمر
ده بيخلى الأطفال عرضة اكتر من الكبار للالتهابات الفيروسية المتكررة
تانى حاجة إن الأطفال دايما بيضعوا ايديهم فى الفم ثم يقوموا بلمس الأسطح و ده طبعا بيعرضهم للعدوى
عشان كدة تعقيم الأسطح مهم جدا
ثالث حاجة و أهم حاجة بتضعف مناعة الأطفال جدا هى الإفراط فى استخدام المضادات الحيوية
لازم نعرف إن أغلب إصابات الأطفال بتكون التهابات فيروسية
المضاد الحيوي مش بيموت الفيروس
لكن يتسبب أنه بيموت بكتريا طبيعية و خمائر طبيعية ربنا خلقها لينا فى الجهاز الهضمي
الخمائر الطبيعية دى مهمة جدا جدا لكفاءة جهاز المناعة
إعطاء الأطفال مضادات حيوية بدون داعى من أهم الأسباب اللى بتضعف مناعة الأطفال و بتخليهم عرضة لادوار البرد المتكررة
لازم نعرف إن طبيعى أى إصابة بفيروس ممكن ترفع حرارة الطفل حتى 40 درجة مئوية
الفيروس بيعيش عند درجة حرارة 37
الجسم بيرفع درجة حرارة الجسم عشان يموت الفيروس
إرتفاع درجة الحرارة لا يسبب تشنجات لكن فى بعض الأطفال بيكون عندها كهرباء زيادة على المخ بتنشط مع الحرارة و ده سبب إن ارتفاع درجة الحرارة بيسبب ليهم تشنجات (تشنجات حرارية)
فى الأطفال التى لا تعانى من تشنجات حرارية درجة الحرارة التى لا يجب أن يصل الطفل إليها هى 41.1
طبيعى جدا إن مع اى التهاب الفيروسي الطفل بيعانى من ارتفاع فى درجة الحرارة لمدة 5 ايام
اول يومين ارتفاع درجة الحرارة بيكون كل 4 ساعات
اليوم الثالث و الرابع بيكون كل 6 إلى 8 ساعات
مهم جدا عدم إعطاء الطفل مضاد حيوى طول ما درجة الحرارة بتنزل بخافض الحرارة
ايه سبب إن فعلا مع بداية دخول المدرسة الأطفال مش بتلحق تخف؟
من وجهة نظرى الشخصية إن ده نتيجة توقف الدراسة لأكثر من عام ونصف بسبب الوباء العالمى و الأطفال قعدت فترات طويلة في المنزل و ده طبعا أثر بالسلب على مناعتهم
ده غير اننا فى وباء عالمى و أغلب الأطفال و الكبار اتعرضوا للاصابة أو خالطوا مصابين و ده برده كان ليه تأثير سلبى على مناعة الأطفال
طيب هل معنى الكلام ده اننا نقعد الأطفال فى البيت تانى ؟
الإجابة لأ طبعا لأن ده هيزود المشكلة الخروج و التعرض للشمس و ممارسة الرياضة مهمين جدا لتحسين
