روتين العناية بالبشرة.فى فصل الشتاء
نبض الوطن
١- الترطيب
مهم جدا ترطيب البشرة يوميا للحفاظ على نضارتها، ولازم نختار أنواع كريمات مرطبة تناسب بشرتك وندهنا بحركات دائرية عشان نتأكد ان وشنا شربها …
2- التقشير
هيساعدك على التخلص من الجلد الميت وانسداد المسام، ونستخدمة مرتين أسبوعيا واحسن مقشر يناسب اى نوع بشرة
3- الماء
شرب الماء بكميات كبيرة يوميا هيساعدك على ترطيب البشرة بشكل طبيعي، ويقلل من ظهور البثور والحبوب ويخلصها من السموم الموجودة فى الجلد، وهيخليها صافية وخالية من التجاعيد ومشاكل البشرة
4- الشمس
استخدام الصن بلوك اهم خطوة فى الاهتمام بالبشرة هيحميها من الإسمرار أو الإصابة بالحروق والبقع الداكنة والتصبغ وطبعا فى انواع صن بلوك كتير احلاهم من
( لاروش بوزاى – بوباى ) بيناسبوا كل انواع البشره
5- التنظيف
العناية بالبشرة وتنظيفها يوميا باستخدام الماء الدافئ ضروري لفتح المسام، مع غسول يناسب نوع بشرتك، وبتنظيفها بحركات دائرية لمدة دقيقتين ثم غسلها بماء بارد وانواع غسولات البشره او صابون الافويقي قلت عليهم من قبل
6- الماسكات
استخدام ماسكات البشرة الطبيعية او جاهزه حاجة مهمة في العناية اليومية بالوجه، عشان بنديها العناصر الغذائية اللي بتحتاجها،
7- المكياج
قبل النوم لازم لازم نغسل وشنا كويس ونشيل المكياج بمزيل مكياج او بمزيل طبيعى ودا انا بفضل المزيل الطبيعى وخصوصا لو شيلنا المكياچ بزيت جونسون وقطنة او بزيت جوز الهند بقطنة ونمسح المكياج هنلاقى نضارة وترطيب بعد ازالة المكياج ومينفعش ننام بالمكياج عشان دا هيأثر على بشرتنا ويحصل بلاوى للبشرة ويحصل جفاف للبشرة وظهور الحبوب وبقع ودهون تحت الجلد
8- الغذاء
نحاول ناكل فواكه وخضراوات كتير وونبعد عن الأطعمة السريعة (وماما لو شافت الجزء دا هتموت من الضحك عشان باب النجار مخلع يا عيال ) ونحاول نبعد عن المشروبات اللى فيها الكافيين ودى حاجة انا شاطرة فيها بصراحة ودا هيخلى البشرة زى بشرة الاطفال وهيحافظ على نضارتها وحيويتها
