كيف تتغلبي على اكتئاب الخريف، أو اكتئاب تغيير الفصول، أو الاكتئاب الموسمي.

مرفت العربى عبد العظيم 

كيف تتغلبي على اكتئاب الخريف، أو اكتئاب تغيير الفصول، أو الاكتئاب الموسمي.
وهو اضطراب نفسي يصيب 20% من الناس خاصة السيدات في الوقت ده من كل عام.
العلماء بيقولوا أنه السبب هو انخفاض فترات سطوع الشمس عن المعتاد، وتأثير ده على هرمونات السعادة وانخفاضها، وكذلك ارتفاع هرمونات الخمول والكسل، عشان كده الاعراض بتكون في صورة؛
– خمول وكسل وزهق وملل بدون سبب معروف.
– النوم كتير وفي نفس الوقت مضطرب.
– النشاط منخفض والانتاج أقل من العادي بكتير.
– اضطرابات مزاجية متحولة، حبة فوق وحبة تحت وبدون مقدمات.
– ارتفاع الشهية أو انخفاضها.
– أشهر أوقات الأكل العاطفي الغير مرتبط بالجوع.

طيب والحل يا دكتور، كده اتجنننا؟
لا لسه شوية.

الحل بسيط:
– نعرف ان ده حاجة عادية بتحصل لناس كتير في الوقت ده من السنة.
– ننام بانتظام قدر الامكان بدري ونصحى بدري.
– نشرب مية كتير كل شوية.
– نتعرض لضوء الشمس ع اد ما نقدر.
– نتمشى في الهواء الطلق ولو نصف ساعه 4 مرات أسبوعيا.
– نلعب رياضة، بتحسن المزاج جدا وتقضي على الطاقة السلبية.
– نشرب قهوة مرة أو اتنين يوميا بتحسن المزاج، أو شاي أخضر.
– ناخد مكعبين شوكولاتة يوميا لتحسين المزاج.
– ناكل سمك وخضار وفاكهة فريش ومكسرات لتحسين المزاج.
– ناكل حبة موز و معاها جوز الصبح يوميا بعد الفطار.
– نلعب يوجا حتى في البيت في أي مكان جيد التهوية.
– نمارس طقوسنا الدينية المحببة لنا .

ها اطمنتوا ولا لسه