ايه هي اللوس بودر واهميته من شهر زاد نبض الوطن

مرفت العربى عبد العظيم 
ايه هي اللوس بودر؟

من اسمها لوس يعني سايبه.
بودرة سايبة

طيب ايه فرقها عن البودرة العاديه المضغوطة?

هما تقريبا متشابهين في التركيب الفرق مبينهم
في ان البودرة المضغوطة فيها *

بيندر مركب كيميائي. بيخلي جزيئتها تمسك في بعضها
الفرق التاني ان البودر السايبه مفيش فيها تغطيه علي الرغم من ان فيها لون الا لو بودر لوس فونديشن
ممكن ساعتها بكون فيها تغطيه

استخدمتها بقي؟
١- ممكن تستخدميها عشان تثبتي بيها الكونسلير تحت العنين مميزاتها انها خفيفة علي المنطقه دي مش هتديكي لوك تقيل وكمان في انواع منها بتبقي مضيئة لتحت العنين زي بودرات بن ناي او بودره
٢- ممكن تستخدميها برضه عشان تثبتي بيها الفونديشن عامة لوشك كله
وميزاتها برضه انها استحاله تديكي مظهر كيكي او تقيل حتي لو استخدامتيها مع فل كفر فونديشن
٣- ممكن تستخدميها طبعا في البيكنج

دي طريقه بتستخدمي فيها البودر انك تنضفي بيها الكونتور بتاع وهبقي اتكلم عنه بالتفصيل في بوست لوحده
٤-اهم نقطه طبعا واظن ان كتير ميعرفهاش في دمج الاي شادو
لو عندك اي شادو ةصعب في الدمج او بتحسي ان اللون بتاعها مهما تدمجيه بيفضل تقيل
تخدي حبه لوس بودر بس اهم حاجة يكونو من غير لون علي فرشتك وتدمجي الاي شادو هتلاقيه بيتفرد ويدمج معاكي بسهوله جدا
٥-ممكن برضه تستخدميها مع الروج بتاعك عشان يثبت اكتر تحطي طبقه وبعدين تحطي طبقه بودر وبعدين الروج هيخليه يثبت اكتر وطبعا هيخليه مط
٦- اخر نقطه ممكن تستخدميها علي رموشك بعد طبقه من الماسكرا وترجعي تضيفيها طبقه ماسكرا كمان هتخلي رموشك تقيله جدا

حاجه مهمه في ناس بتسخدم بودرة التلك كلوس بودر وبالذات علي الرموش وانا كنت منهم
لغايه لما عرفت ان من فترة ان استنشاق البودره غلط جدا وان مركبات التلك عامه بتسد المسام وبتسبب حبوب تحت الجلد
عشان كدة كل الناس الي كان بتستخدم البودرة المائيه بيشتكو من الحبوب الي تحت الجلد وده لان ٧٠في الميه منها تلك