طريقه عمل الدونات
مرفت العربى
المقادير ..
4 ونص كوب دقيق
كوباية حليب دافى
اتنين بيضة بدرجة حرارة المطبخ
معلقة خميرة كبيرة
نص كوب زبدة غير مملحة بدرجة حرارة المطبخ
ثلاث معالق كبيرة ممسوحه من السكر الابيض
معلقة صغيرة فانيليا
معلقة صغيرة ملح
الطريقة …
نضيف الدقيق وعلية الزبدة وعليهم الخميرة والسكر والبيض والحليب الدافى والملح والفانيليا (كل المكونات على بعض)
تعجن لمدة من 10 ل 12 دقيقه لغاية ما تتماسك ويكون فيها سنة تلزيق خفيفه
هرش عليها رشة من الدقيق وافضل اعجنها لغاية ماتلم معايا وتبقى ناعمه ومش بتلزق
هحطها فى بوله واغطيها كويس واسيبها تخمر لغاية ساعه فى مكان دافى
بعد ساعه بيكون حجمها تضاعف معانا اربع مرات تقريبا
هفرد العجينة بتاعتى على شكل دايرة بسمك (واحد ونص سم) من كل الجوانب وهستخدم المسطرة عشان تبقى مظبوطة
هبتدى اقطع العجينة بقطاعة الدوناتس او باى شيء يدينى شكل دوائر الدوانتس ونفرغها من المنتصف
هستخدم الدقيق على وش الحاجه اللى بقطع بيها عشان العجينة ما تلزقش فيها
بعدها هرص كل قطعة على قطعة صغير من ورق الزبدة واسيبوا يرتاح ربع ساعه وورق الزبدة عشان ما ينفعش امسكه بإيدى مباشرة بعد كده شكله هيبوظ
بعدها بندوب الشيكولاتة بتاعتنا فى حمام مائى وبنجهزها هى وكل التوبنج اللى حابين نضيفوا على الوش
بعدها بنجهز طاسة فيها زيت غزير ونختبر الزيت بقطعة عجين صغيرة
وبعدين بننزل بالدونات بتاخد حوالى نص دقيقه على كل إتجاه مش اكتر
واخرجه لما ياخود اللون الدهبى بتاعه الجميل واصفيه طبعا من الزيت واحطه على ورق زبدة
لازم اسيبه يبرد تماما قبل التزيين
وخلاص كده نزينوا براحتنا وحسب ذوقنا وبالف هنا وشفا
