غنيت
شعر : دكتورة سماح إسماعيل
مابقتش بخاف
بكتب علي صفحة كراسي
اسمك
وانا فاكر مش ناسي
ان السياف
مستني بلهفة علي با،بي
يقرأ جوابي
ويقول داست كل الأعراف
واتوه ف تهمهم وكلامهم
ودا قال / ودا شاف
في عنيا غرام
وف لهفة قلبي علي سيرتك
بيبان الحب المتداري
اضعاف / اضعاف
دقات قلبي بتنطق اسمك
وكأنه هتاف
وبرغم الجلاد الواقف
مستني هناك
والحكم الصادر علي قلبي
علشان ينساك
وف وسط ميدان الحرية
سألوني أخر أمنية
غنيت ( أهواك )
سماح
