لك الله يازمالك
بقلم دكتور :ياسر جلال زاهر
حول تعين الدكتور عماد البناني كمدير تنفيذي للنادي من أجل استقرار النادي…
أولا المهمة المكلف بها الدكتور عماد ليست رئيسا للنادي وإنما مدير تنفيذي خلال فتره معينة.
قدرات الرجل الإدارية عالية جدا فقد شغل وظيفه رئيس المجلس القومي للرياضة ( بدرجه وزير) ويشهد له الجميع بتلك القدرات.
الزمالك الان لا يحتاج لمسئول زملكاوي لان وجود أي زملكاوي سيواجه بانتماءه الي اي فصيل من المتنازعين علي كرسي الرئاسة بالمرحلة القادمه. مما يزيد الأمر اشتعالا.
الزمالك الان في احتياج لإدارة تنفيذية قادرة علي لملمه الأوراق المبعثره والاعداد لانتخابات شفافة أمام كل من يري في نفسه القدره علي قياده القلعه الكبيره.
كل التوفيق للدكتور عماد في مهمته الثقيلة واشهد الله انه من أعلي الناس ادارياو قادر علي تخطي الزمالك لتلك المرحله الصعبه… فقط اتركوه يعمل بهدوء وسوف تكون النتيجه مبهرة.
يمكن تم إقالة اللواء حسن موسى
علشان طلبه بتحويل ملفات الفساد في النادي للنيابة العامة
و لا يمكن تم إقالة اللواء حسن موسى
علشان اكتشف اختفاء اكتر من 3000 ملف لأعضاء من النادي
و لا يمكن تم إقالة اللواء حسن موسى
علشان اكتشف اختفاء عقد إمام عاشور و سأل فلوس الصفقة اتحولت على اي حساب
ولا يمكن تم إقالة اللواء حسن موسي علشان اكتشف وجود حوالي 65 اسم عامل و موظف وهمي بنادي الزمالك لا وجود لهم من الأساس يتم صرف مرتبات لهم بما يعادل 350 الف جنيه شهريا
و لا يمكن سأل عن شركة المقاولات الوهميه اللي واخده بوابات النادي اللي بتتهد و يتبني مكانها محلات و المحلات تتهد و ترجع تتفتح البوابات من تاني و اهي مصالح و الكل بيتصالح
و لا يمكن تم إقالة اللواء حسن موسى
علشان سأل عن الرخام اللي طلع هالك من سور النادي و دخل مخازن النادي و بعد كده طلع بفواتير و تم بيعه للنادي من جديد مين وراه
السر ده مش بتاعنا السر ده بين احد الأشخاص و رئيس النادي السابق
و المجني عليه و الضحية هو نادي الزمالك.
لك الله يازمالك
