الكحك بالسمن المقدوح
شهد ياسر رفاعى
المقادير
كيلو دقيق
و نص كيلو سمنة بلدى او اي نوع
ومعلقتين خميرة فوريه
وملعقة كبيرة بيكنج بودر
وكوب صغير لبن علي ميه
ومعلقة صغيرة محلب
وكوب فول سوداني مع سمسم
ونص ملعقه ملح ومعلقتين كبار سكر
لو سمنة عاديه نحط معلقة كبيرة ريحة كحك بودر
(قرفة وقرنفل وحبهان مطحونين)
الحشو
كيلو ملبن معجون بمعلقتين كبار سمسم ومعلقة صغيرة روح موز ممكن نستغنى عنه
الطريقة
نقدح السمنة عالنار ونحطها عالدقيق بس خدي بالك من ايدك حركي بمعلقة خشب عشان هتكون مولعه جدا حطي الملح في كوب اللبن بالماء واحدة واحدة ونقلب بالمعلقه ونسيبها تبرد بعد كدة نبسسها ونحط االلبن والخميرة والبودر والسكر مع بعض خمس دقايق ونحطها عالدقيق ونزود ميه لو احتاجنا ونلم العجينة لحد ما ناخد منها عجينه لينه ونكورها كور صغيرة ونحشيها بالملبن والمكسرات ونعملها بالبصامه او المنقاش الكحك واتركها ربع ساعه كمان قبل ماأدخلها الفرن هادى لمدة تلت او نص ساعه حسب فرنك
#ملحوظه هامه
الكحك بالسمن المقدوح بيعيش اكتر من الكحك على البارد
يعني تعملي اي كميه تعيش معاكي مده طويله ممكن تاكلي منه على العيد الكبير وده سبب القدح بتاع السمن عشان تعرفو الفرق بين كحك على البارد وكحك على السخن
