محمد عناني يكتب: «إنتي زادي»

آخر تحديث: 4 يناير، 2023
32
321434599 1221712345437562 9046764933963808736 n
بقلم: محمد عنانى
رغم إنك إنتى نن عينى
حتى إسمك فوق جبينى
ليه يا حبيبتى بتتعبينى
بحاجات كتيره بتطلبى
وفوق دماغى تكركبى
وماسكه السجل بتكتبي
ولنَفَسِي قاعده بتحسبى
إيه صِرفت وإيه يجيني
ناقص جيوبى تفتشينى
ولا فى فِكرك تحلبيني
وهموم يوماتي تشيلينى
وإن صرخت فبتلومينى
وإن يوم حِلِفت تكدبيني
يا حبيبتى إمتا تصدقينى
إن إنتى زادى ومشربى
وإن رضاكى دا مطلبى
لكن بأقول أمتا تشوفيني
تشوفى حالى وتراعينى
وعشان لقلبى ما تكسبى
بلاش تصادرى مُرتبي
وحِنى عليا واحضنينى
وخلاص كفايه تعذبينى
إمسحى دمعى وطبطبى
إوعى تسيبينى وتهربى
إنتى حبيبتى ونِن عينى
وأنا بأعشقك مهما تكونى

الوسوم
آخر تحديث: 4 يناير، 2023
32
زر الذهاب إلى الأعلى