السيد عبد اللطيف..يكتب..مهانش عليا
دايما بحس ان اللي بيقول الجملة دي شايل جواه حب كبير وقلب حنين !
ماهانش عليا أشوفك متضايق وأسيبك مِن غير ما أراضيك، ماهانش عليا أعرف أنك بتحب الحاجة الفلانية و مجبهاش ليك ، مهانش عليا أسيبك تروح المشوار ده لوحدك عشان أكون معاك وأشجعك، ماهانش عليا أكل وانت مش موجود فقلت أستناك لما تيجي ناكل سوى !
محتاجين يكون فيه في حياتنا ناس مانهونش عليهم،شعور حلو جدا والحقيقة أن الشخص الحنين هو اللي بيكسب دايما ! ♥️
