تعرف الناس وقت الشده

السيد عبد اللطيف حموده

الناس من بعيد حلوه وتعاملهم حلو.لكن شوفهم وقت الزعل وقت الخلاف وقت العتاب هل هيبقوا حلوين زي ما كانوا حلوين ولا هيتقلبوا لأشخاص تاني مش عارفهم.هيبانوا وقت الاحتياج ليهم هل هيبقوا معاك ولا هيخذلوك.هيبانوا وقت شدتك وضيقتك هل هيقفوا جنبك ولا هيسيبوك.هيبانوا وقت عشمك فيهم هل هيقدروك ولا مش هيبقوا قد عشمك الي اتعشمت بيه فيهم.هيبانوا أن هل طول الوقت هيكونوا بيحبوك ولا هيبقوا معاك علي حسب مزاجهم.هيبانوا تقديرهم ليك في مواقف معاك ولا تقديرهم مش هيكون موجود.الناس من بعيد حلوه وكلامهم حلو.لكن لما تشوف المواقف الي تحصل بينكوا والأحداث هتبان حقيقتهم هل حبهم وكلامهم حقيقي ولا مزيف.هيبانوا فعلا أنهم بيحبوك ولا لأ.هيبانوا أنهم حقيقيين ولا ناس مزيفه. الكلام سهل والتعبير عنه سهل والناس الي موجوده في حياتك سهله أنها تبقي موجوده.بس المواقف والأحداث هي الي بتبين صدق الحب والكلام الحلو المزيف من الحقيقي.