دينا.اويس..تكتب.. التعود اخطر من الادمان
لا يوجد انسان علي وجه الارض بيدخل في علاقة
الا لما بيكون متأكد من اختياره وبيبني عليها أحلام وطموحات كتيرة
لكن اوقات بيضطر يستمر فيها بالرغم عنه ودا لانه بيكون اعتاد علي وجود الطرف الاخر وياه بشكل يومي وفي كل تفاصيل يومه علي شكل مكالمات هاتفية طول الوقت
أو أماكن بيروحوها سوا. ومشكلاتهم اليومية اللي بيحاولوا يحلوها سوا
ودا اللي بيخللي أحد الطرفين
مضطر أ نه يكمل في علاقة أصبحت
ما بتحققش ليه اي إشباع نفسي او عاطفي لمجرد أنه اتعود علي وجود هذا الشخص في حياته ولا احد غيره وهذا التعود في حياته بيكون أشد خطراً من ادمان
المخدرات..
واقسي واصعب صور التعود والأدمان في حياتنا هي العلاقة بين الرجل والمرأة.
فعندما تحب المرأة وتكون واثقة من نفسها فهذة الثقة بتعطي لها سعادة داخلية والحب يزيد من احساسها بالسعادة .والتعود بيصبح
ادمان صحي لأنها سعيدة وراضية عن نفسها
أما إذا أحبت المرأة وكانت غير واثقة في نفسها. . عندما يقتحم رجل حياتها تحبه بجنون وما تقدرش
تعيش من غيره وتدمن وجوده في حياتها لانه هو اللي خلاها ترضي وتثق في نفسها ولا تستطيع اتخاذ أي قرار بدونه لانها مش شايفة حياتها من غيره. وهنا يصبح ادمان وتعود مرضي
وهنا نلاقي الشخص الاناني لما يحب دا إذا حب بجد نلاقيه بيحاول دائما يضعف شريك حياته علشان يقدر يسيطر عليه ويكون دايما في احتياج إليه…
اما الشخص الطبيعي الايجابي
نلاقيه بيحب أن شريك حياته يكون قوي يقدر يعتمد علي نفسه في مواجهة الحياة وتحمل المسؤولية والصعاب مع مشاركته وتخفيف أعباء الحياة عنه ..
والحقيقة أن في فرق كبير بين الحب الحقيقي والتعود علي شخص ما…
لان الحب الحقيقي خالي من الأنانية
وبيكون تركيزك علي أن الشخص اللي معاك يكون سعيد ويكون من أهم أولوياتك ..لا تلاعب بالمشاعر ولا ابتزاز عاطفي ولا سعي للسيطرة
اما التعود علي شخص ما وقتها بيكون تركيز احد طرفي العلاقة
ازاي يسعد نفسه بالتواجد مع شريكه ليس لأنه يستمتع معه ولكن لملأ وقت فراغه..حتي ولو علي حساب الطرف الآخر.
ولان فكرة انك تتخلص من أشخاص وأفعال وعادات اتعودت عليها بتكون صعبة ومستحيلة احيانا إلا أنها ممكنة …انك تحب نفسك اكتر من اي شئ اخر وتحترمها وتقنع نفسك انك لن تحصل علي هذا الحب من اي شخص آخر وان تذكر نفسك أن ملايين من الناس قد مروا ب
نفس التجربة وقدروا يتعرفوا علي أشخاص جدد في الحياة فهي ليست نهاية الدنيا وان بكرة احلي اكيد
